एजेन्सी – आर्सनलले इंग्लिस प्रिमियर लिग फुटबलमा वल्भ्ससँग लज्जास्पद हार बेहोरेको छ । प्रिमियर लिग अन्तरगत बुधबार राति भएको खेलमा आर्सनल घरेलु टोलीसँग ३–१ को लज्जास्पद हार बेहोरेको हो ।
आर्सनलाई लज्जास्पद हार चखाउन रुवेन नेभेस, माट डोहर्टी र डिएगो जोटाले गोल गरे । आर्सनलका सोक्रेटिसले सान्त्वाना गोल फर्काए । घरेलु टोलीलाई दवावमा राखेपनि आर्सनलले गोल खान पुगेको थियो ।
२८औं मिनेटमा रुवेन नेभेसले गोल गर्दै घरेलु टोलीलाई अग्रता दिलाए । ३७औं मिनेटमा माट डोहर्टीले गोल गर्द २–० को अग्रता दिलाए । पहिलो हाफको इन्ज्युरी समयमा डिएगो जोटाले गोल गर्दै घरेलु टोलीलाई पहिलो हाफमा ३–० को अग्रता दिलाए ।
८०औं मिनेटमा सोक्रेटिसले गोल गर्दै आर्सनललाई खेलमा फर्काउने संकेत दिएपनि त्यो गोल खेलमा फर्कन निकै ढिला भएको थियो ।
हारसँगै आर्सनलले चौथो स्थानमा उक्लने मौका गुमाएको छ । आर्सनलको ३५ खेलबाट ६६ अंक जोडेर पाँचौ स्थानमा रहेको छ । चौथो स्थानमा रहेको चेल्सीको ६७ अंक रहेको छ । आर्सनललाई पराजित गरेको वल्भ्स ५१ अंक जोडेर सातौ स्थानमा उक्लिएको छ ।
