एजेन्सी – पोर्चुगिज फरवार्ड क्रिस्टियानो रोनाल्डोले इटालियन सिरी ए को ‘प्लेयर अफ द सिजन’ को उपाधि हात पारेका छन् ।
यसै सिजन स्पेनिस क्लब रियल म्याड्रिड छाडेर युभेन्टस पुगेका रोनाल्डोले क्लबलाई लिग च्याम्पियन बनाउन महत्त्वपूर्ण भूमिका खेले । उनले लिगमा २२ गोल गर्दै ११ असिस्ट पनि प्रदान गरे । च्याम्पियन्स लिगमा भने उपाधि लक्ष्य सफल हुन नसकेको युभेले घरेलु प्रतियोगितामा उत्कृष्ट प्रदर्शन गर्यो ।
रोनाल्डोले यसै सिजन क्लब छाड्न लागेका युभेन्टसका प्रशिक्षक मासिमिलानो एलेग्रीलाई धन्यवाद दिए । ‘एलेग्रीसँग काम गर्न निकै राम्रो समय रहयो । उनको योगदानको लागि म धन्यवाद दिन चाहन्छु । हामीले एक सिजन मात्र काम गर्यौं तर यसक्रममा मैले उनलाई राम्रोसँग चिन्न पाएँ,’ रोनाल्डोले भने । सिरी ए को अवार्डमध्य लिग च्याम्पियन युभेन्ट्सबाट रोनाल्डोले मात्र अवार्ड जितेका हुन् ।
ला लिगाको अवार्डहरु :
प्लेयर अफ द सिजन : क्रिस्टियानो रोनाल्डो (युभेन्ट्स)
उत्कृष्ट गोलरक्षक : सामिर हान्डानोभिच (इन्टर मिलान)
उत्कृष्ट डिफेन्डर – कालिडु कौलीबाली (नेपोली)
उत्कृष्ट मिडफिल्डर – सर्गे मिलिन्कोभिच-साभिच (लाजियो)
उत्कृष्ट फरवार्ड – फाबियो क्वाग्लीआरेल्ला (साम्पडोरिया)
उत्कृष्ट युवा खेलाडी – निकोलो जानिओलो (रोमा)
