5 years ago
May 20, 2019
काठमाडौं (हाम्रो खेलकुद) – नेपाली राष्ट्रिय फुटबल टोलीका प्रशिक्षक योहान कालीनले नियमित फरवार्ड विमल घर्तिमगर र भरत खवासलाई टोलीबाहिर राख्दै दुई मैत्रीपूर्ण खेलका लागि टोली घोषणा गरेका छन् । जुनको पहिलो सातामा मलेसिया र चाइनिज ताइपेइविरुद्ध हुने खेलका लागि दुवै खेलाडी चोटबाट उचित रिकभर नभएका कारण टोलीमा नपरेका हुन् । प्रशिक्षक कालीनले मैत्रीपूर्ण खेल भएकाले […]
काठमाडौं (हाम्रो खेलकुद) – नेपाली राष्ट्रिय फुटबल टोलीका प्रशिक्षक योहान कालीनले नियमित फरवार्ड विमल घर्तिमगर र भरत खवासलाई टोलीबाहिर राख्दै दुई मैत्रीपूर्ण खेलका लागि टोली घोषणा गरेका छन् ।
जुनको पहिलो सातामा मलेसिया र चाइनिज ताइपेइविरुद्ध हुने खेलका लागि दुवै खेलाडी चोटबाट उचित रिकभर नभएका कारण टोलीमा नपरेका हुन् । प्रशिक्षक कालीनले मैत्रीपूर्ण खेल भएकाले दुवै खेलाडीलाई विश्राम दिएको बताए । ‘ हामीले दुई मैत्रीपूर्ण खेल खेल्दैछौं । विमल र भरत पूर्ण रुपमा फिट नभएका कारण नै टोलीमा नपरेका हुन् । अघिल्लो साता मैदान बाहिर रहेर प्रशिक्षणमा सहभागी हुन सकेनन्, त्यसैले अन्य खेलाडीलाई मौका दिएका हौँ, कालीनले भने ।
विमल र भरत दुवैले अघिल्लो साता प्रशिक्षणबाट बाहिर बसेका थिए । भरतको घुँडाको चोट बल्झिएको छ भने विमलको पुरानै ह्यामस्ट्रीङको समस्याले सताएको छ । दुवै खेलाडीले सोमबार भएको मैत्रीपूर्ण खेलमा प्रयास गरेपनि उचित रुपमा तयार नभएका कारण जोखिम नलिएको प्रशिक्षक किरण श्रेष्ठले पनि बताए ।
विमल यसै साता माल्दिभ्स जाने तरखरमा छन् । उनले अर्को सिजनका लागि टिसी स्पोर्ट्ससँग अनुबन्धन पनि गरिसकेका छन् । विमलले चोटका कारण आफू टोलीमा नपरेपनि अन्य खेलाडीले राम्रो प्रदर्शन गर्ने बताए । ‘ नयाँ क्लबसँग अनुबन्ध गरेपनि राष्ट्रिय टोलीमा रहेर नयाँ प्रशिक्षकसँग केहि दिन प्रशिक्षण गरें । नयाँ प्रशिक्षकको रणनीति र खेल्ने शैली बुझ्न केहि सहज भयो । पछिल्ला केहि दिन चोटका कारण विश्राममा बसेको थिएँ । प्रशिक्षकले विश्राम दिने निर्णय गर्नुभयो । अब यसै साताभित्र माल्दिभ्स पुगेर केहि उपचार गरेपछि टोलीको प्रशिक्षणमा सामेल हुनेछु,’ विमलले भने ।
भरत भने लामो समयदेखि घुँडाको चोटले समस्यामा छन् । सन् २०१५ को साफ दौरान सुरु भएको उनको चोटले निकै सताएको छ । उनी सोमबार प्रशिक्षणमा पनि उपस्थित थिएनन् । मिडफिल्डर हेमन गुरुङ पनि चोटका कारण पूर्ण फिट नहुँदा टोलीमा अटाउन सकेनन् ।
अन्तिम टोली :
गोलरक्षक : किरण चेम्जोङ, एलन न्यौपाने, विकेश कुथु
डिफेन्डर : विराज महर्जन, सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवी सिलवाल
मिडफिल्डर/फरवार्ड : तेज तामाङ, सुनिल बल, विशाल राई, रोहित चन्द, विक्रम लामा, सन्तोष तामाङ, सुजल श्रेष्ठ, विमल राना, रविशंकर पासवान, अभिषेक रिजाल, अन्जन विष्ट, नवयुग श्रेष्ठ
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]