एजेन्सी – सफल प्रशिक्षकमा उभिएका इटालियन सिरी ‘ए’ टोली युभेन्टसका प्रशिक्षक मासिमिलियानो एलेग्रीलाई इटालियन फुटबल एसोसिएसनले इटालियन फुटबल हल अफ फेम अवार्ड प्रदान गरेको छ ।
एलेग्रीले साम्पोडरियाविरुद्ध खेल्दै युभेन्टसबाट बाहिरिदै छन् । उनले यसअघि नै क्लब छाडेने बताइसकेका छन् ।
पछिल्ला ६ मध्ये ५ सिरी ‘ए’ उपाधि, ४ कोपा इटालिया र ३ इटालियन सुपर कपको उपाधि जिताएको भन्दै एसोसिएसनले ५१ वर्षीय एलेग्रीलाई यो अवार्ड प्रदान गरेको हो । एलेग्री यति धेरै सफलता दिलाउने एक्लो इटालियन प्रशिक्षक हुन् ।
सन् २०११ म इटालियन क्लब एसी मिलानको प्रशिक्षक बनेका एलेग्रीले २०१४ मा एन्टेनियो कोन्टेलाई विस्थापित गर्दै युभेन्टसको प्रशिक्षक बनेका थिए । त्यसयता उनले युभेन्टसलाई दर्जनौ उपाधि जिताउन सफल भएका थिए ।
एलेग्रीले इटालियन फुटबलको हल अफ फेम अवार्ड प्राप्त गरेसँगै इटालियन फुटबलको एक इतिहास बन्न पाएको गर्व महसुस भएको बताएका छन् । एलेग्रीलाई चेल्सी र पेरिस सेन्ट जर्मेनले प्रशिक्षक बनाउने तयारी गरेको छ ।
