काठमाडौं(हाम्रो खेलकुद)- सरस्वती नगर स्पोर्टस् क्लब र आरसी–३२ फुटबल एकेडेमीले राजधानीमा मंगलबारदेखि शुरु भएको सहिद स्मारक ‘सी’ डिभिजन लिगको छनोट चरणको खेलमा विजयी सुरुवात गरेका छन् ।
सातदोबाटोस्थित एन्फा कम्पलेक्सको मैदानमा भएको खेलमा सरस्वती नगरले एफसी सी एसमाथि २–० को जित निकाल्दै विजयी सुरुवात गरेको हो । सरस्वतीको जितमा मनिा पौडेल र विपीन कँडेलले गोल गरे । दुवै गोल पहिलो हाफमा सम्भव भएको थियो ।
खेलको नवौं मिनेटमा मनिष पौडेलले गोल गर्दै सरस्वतीलाई अग्रता दिलाएका थिए । ३१औं मिनेटमा विपीन कँडेलले गोल गरेपछि सरस्वती २–० ले अघि बढ्यो । दोस्रो हाफमा गोल निस्कन नसक्दा सरस्वती २–० ले विजयी हुन सफल भयो ।
अर्काे खेलमा आरसी–३२ फुटबल एकेडेमीले ललितपुर युनाइटेडलाई ३–० ले हारयो ।
‘सी’ डिभिजन लिगको छनोटमा विभिन्न ३८ टोलीले सहभागिता जनाएका छन् । सहभागी टोलीलाई १२ समूहमा विभाजन गरिएको छ । समूहका शीर्ष टोलीले दोस्रो चरणमा स्थान बनाउनेछ ।
लिगको दोस्रो चरण नकआउटका आधारमा हुनेछ । नकआउटका हरेक समूहका शीर्ष टोली ‘सी’ डिभिजनलाई बढुवा हुनेछ । छनोटका खेलहरु एन्फा कम्प्लेक्स सातदोबाटो र बुद्धि बिकास खेल मैदान लगनखेलमा हुनेछ ।
