लुइस सुआरेजको ह्याट्रिकको मद्दतले ग्रनाडालाई ३-०ले हराउँदै बार्सिलोनाले २४औं पटक स्पेनिश ला लिगाको उपाधि कब्जा गरेको छ|
अन्तिम खेलमा रियल म्याड्रिडभन्दा एक अंक मात्र अगाडी रहेको बार्सिलोनाले जित दर्ता गर्दै उपाधिमाथि कब्जा जमाएको हो| उता रियल म्याड्रिडले भने डेपोर्तिभोलाई २-०ले हरायो| म्याड्रिडका लागि दुवै गोल क्रिस्टियानो रोनाल्डोले पहिलो हाफमा गरेका थिए|
आज गरेको तिन गोल संगै सुआरेजले लिगमा आफ्नो गोल संख्या पनि ४० पुर्याए| उनको यो संख्या लिगमा सर्वाधिक हो र उनले यससंगै पिचिची ट्रफी पनि हात परेका छन्|
