बार्सिलोनाले आफ्नो अन्तिम खेल ३-०ले जितेपछि रियल म्याड्रिड आफ्नो खेल जितेपनि उपाधिबाट बन्चित भएको छ|
क्रिस्टियानो रोनाल्डोले पहिलो हाफमा गरेको दुइ गोलको मद्दतले डेपोर्तिभोलाई २-०ले हराएको म्याड्रिडले ९० अंक बनायो भने बार्सिलोनाले पनि आफ्नो अन्तिम खेल जित्दै ९१अंकमा लिग समाप्त गर्यो| बार्सिलोनाका लागि लुइस सुअरेजले ह्याट्रिक गरे र सिजनमा ४० गोल गरेसंगै पिचिची ट्रफी पनि हात पारे|
बार्सिलोनाको यो २४औं उपाधि हो भने लगातार दोश्रो ला लिगा जित हो| म्याड्रिडको यो सिजन अब च्याम्पियन्स लिगमा फाइनल खेल बाँकी रहेको छ| रियलले फाइनलमा आफ्नै सहरको प्रतिद्वन्दी अट्लेटिको म्याड्रिडको सामना गर्नेछ|
