विश्व विजेता फ्रान्स स्तब्ध

एजेन्सी – विश्व विजेता फ्रान्स युरो कप छनोटमा टर्कीसँग स्तब्ध बनेको छ । टर्कीमा शनिबार राति भएको खेलमा विश्व विजेता फ्रान्स टर्कीसँग २–० ले स्तब्ध बनेको हो ।

घरेलु मैदानमा टर्कीलाई जिताउन कान एहान र सेन्जिग अन्डरले गोल गरे । दुवै गोल पहिलो हाफमा सम्भव भएको थियो । कान एहानले खेलको ३० औ मिनेटमा घरेलु मैदानमा टर्कीलाई सुरुवाती अग्रता दिलाएका थिए । सेन्जिग अन्डरले ४०औ मिनेटमा टर्कीका लागि दोस्रो गोल गर्दै विश्व विजेता फ्रान्सलाई स्तब्ध बनाए ।

समुह ‘एफ’ मा टर्कीको यो युरो छनोटमा लगातार तेस्रो जित हो । जितपछि टर्की ३ खेलमा ९ अंक जोडेर शीर्षस्थानमा रहेको छ । फ्रान्स ३ खेलबाटै ६ अंक जोडेर दोस्रो स्थानमा छ ।

समुह ‘एच’कै अन्य खेलमा आईसल्याण्डले अल्बानियालाई र माल्डोभाले एन्डोरालाई समान १–० ले हराए । माल्डोभाले समुह चरणमा पहिलो जित निकालेको हो ।

जितसँगै आइसल्याण्डको ६ अंक बनाएपनि गोल अन्तरका आधारमा फ्रान्सभन्दा तल तेस्रो स्थानमा रहेको छ । अल्वानिया र माल्दोभाको समान ३ अंक छ । अल्वानिया चौथो तथा माल्दोभा पाँचौ स्थानमा एन्डोरा अंक विहिन हुदै पुछारमा छ ।