एजेन्सी – बायर्नका पुर्वस्टार लोथर म्याथ्थुजले सुपरस्टार फरवार्ड क्रिस्टियानो रोनाल्डोले पुर्व सहयात्री हामेस रोड्रिग्वेजसँग खेल्ने चाहना रहेको खुलासा गरेका छन् ।
बायर्नका पुर्व खेलाडी लोथर मथाउस रोनाल्डोको जेम्सलाई इटालियन सिरी ‘ए’ च्याम्पियन युभेन्टसमा जोडिन आग्रह गर्दै सँगै खेल्ने चाहना व्यक्त गरेका हुन् । ब्राजिल विश्वकपका गोल्डेनबुट विजेता २७ वर्षीय हामेस विश्वकप लगत्तै स्पेनिस महारथी रियल म्याड्रिडमा अनुबन्धित भएका थिए । रियलमा निकै कम मौका पाएपछि हामेस २०१६ पछि लोनमा जर्मन क्लब बायर्न म्युनिखमा पुगेका थिए ।
रियल र बायर्न दुवैले हामेसलाई क्लबमा नराख्ने निर्णय लिँदा हामेसका लागि युभेन्टस उपयुक्त विकल्प हुन सक्नेछ । ‘म हामेसलाई युभेन्टसमा देख्न चाहान्छु । हामेसको विषयमा दुई साताअघि कुराकानी भएको थियो । हामेस र रोनाल्डोको सम्वन्ध निकै राम्रो छ ।’ मथाउसले भने, ‘उनीहरु एकसाथ खेलेको हेर्ने इच्छा छ । म बुझ्न सक्छु, हामेस र रोनाल्डोको समन्वय राम्रो छ र निकै गोल गर्न सक्छन् । जसले गर्दा दुवै खेलाडी चम्किन सक्छन् ।’
हामेस सन् २०१४ मा रियल मड्रिडमा आएका थिए । उनले रियललाई ला लिगा च्याम्पियन, दुई च्याम्पियन्स लिग र दुई क्लब विश्वकपको उपाधि जिताउन सहयोग गरेका थिए । मौरिसियो सार्री युभेन्टसको नयाँ प्रशिक्षक बन्ने सम्भावना रहेको छ । उनले कस्ता खेलाडी अनुबन्ध गर्नेछन् त्यो हेर्न बाँकी नै छ ।
