काठमाडौं (हाम्रो खेलकुद) – एएफसी कप अन्तर्गत समूह चरणको अन्तिम खेलमा मनाङ मर्स्याङ्दी क्लब चेन्नईयन फुटबल क्लबसँग ३-२ ले पराजित भएको छ ।
पहिलो हाफ गोलरहित बराबरीमा सकिएपछि दोस्रो हाफमा दुवै टोलीले आक्रमक खेल खेलेका थिए । चेन्नईयनले मोहमद रफीले ५३ अौं मिनेटमा गोल गर्दै अग्रता दिलाएका थिए । एली साबियाले ६६ अौं मिनेटमा गोल गर्दै चेन्नईयनको अग्रता दोब्बर पारे ।
आफिज अोलाडिपोले ८ मिनेटको अन्तरमा दुई गोल गर्दै खेल बराबरीमा ल्याए । उनले ७१ र ७९ अौं मिनेटमा गोल गरेका थिए । तर ८८ अौं मिनेटमा रफीले व्यक्तिगत दोस्रो गोल गर्दै जित पक्का गरे ।
समूह ‘ई’ को पुछारमा रहेको मनाङले ६ खेलमा २ अंक जोडेको छ । चेन्नाइयिनको ११अंक पुगेको छ । समूहबाट शीर्ष स्थानको टोली दोस्रो चरणमा प्रवेश गर्नेछ ।
