काठमाडौं (हाम्रो खेलकुद)- नेपाली लिग च्याम्पियन सिग्नेचर मनाङ– मस्र्याङ्दी क्लब रहेको समूह ‘इ’ बाट बंगलादेशको ढाका अवहानी लिमिटेडले एएफसी कपको दोस्रो चरणका स्थान बनाउन सफल भएको छ ।

• 

दोस्रो चरणमा छनोट हुन जित निकाल्नै पर्ने खेलमा अबहानीले मिर्नेभा पन्जावमाथि १–० को नाटकीय जित निकाल्दै एएफसी कपको इन्टर जोनको सेमिफाइनलमा पुग्न सफल भएको हो ।

गुहावटीमा बराबरीतर्फ धकेलिएको खेलको इन्ज्युरी समयको थप गरिएको तेस्रो मिनेटमा मासिह सैघानीले गोल गर्दै महत्वपुर्ण जित दिलाउदै सेमिफाइनलमा पु¥याए । अबहानीले अबे मैदानमा १–० को जित निकालेको हो ।

एएफसी कप अन्तर्गत समूह चरणको सातदोबाटोमा बुधबार भएको अन्तिम खेलमा मनाङ मर्स्याङ्दी क्लब चेन्नईयन फुटबल क्लबसँग ३-२ ले पराजित भएको छ ।

जितसँगै अबहानीले समूह ‘इ’ मा ६ खेलबाट १३ अंक जोड्यो । दोस्रो स्थानमा रहेको चेनाईयिनले समान ६ खेलबाट ११ अंक जोड्यो । तेस्रो स्थानमा रहेको मिर्नेभा पन्जावले ५ तथा मनाङले २ अंक मात्र जोड्न सक्यो ।

एएफसी कपमा मनाङको प्रदर्शन
-मनाङविरुद्ध ढाका अबहानी (०–१) अप्रिल ३, २०१९
– चेन्नाइयिनविरुद्ध मनाङ (२–०) अप्रिल १७, २०१९
– मिर्नेभा पन्जावविरुद्ध मनाङ (२–२) मे १, २०१९
– मनाङविरुद्ध मिर्नेभा पन्जाव (१–१) मे १५, २०१९
– ढाका अबहानी विरुद्ध मनाङ (५–०) जुन १९, २०१९
– मनाङविरुद्ध चेन्नाइयिन (२–३) जुन २६, २०१९