एजेन्सी – इंग्ल्यान्ड महिला विश्वकपको सेमिफाइनलमा प्रवेश गरेको छ । नर्वेमाथि ३–० को सहज जित निकाल्दै इंग्ल्यान्डले अन्तिम चारको यात्रा तय गरेको हो ।
फ्रान्सस्थित लि हाभ्रे स्टेडियममा बिहीबार राति भएको खेलमा इंग्ल्यान्डका सहज जित मा जिल स्कट, एलेन ह्वाइट र लुसी ब्रन्जले गोल गरिन् । प्रतिस्पर्धात्मक खेलमा इंग्ल्यान्डले पाएको मौकालाई सदुपयोग गर्दै ३ गोल निकाल्न सक्दा नर्वेले इंग्ल्यान्डको बलियो डिफेन्स लाईनलाई तोड्न नसक्दा पराजित हुन पुग्यो ।
खेलको तेस्रो मिनेटमा नै जिल स्कटको गोलाट इंग्ल्यान्ड खेलमा अघि बढेको थियो । उनले लुसी ब्रन्जको पासमा गोल गर्न सफल भएकी थिइन् । ४०औं मिनेटमा निकिता पेरिसको पासमा एलेन ह्वाइटले गोल गरेपछि इंग्ल्यान्ड पहिलो हाफमा २–० ले अघि बढेको थियो । पहिलो हाफमा नर्वेले पाएको केही मौकालाई सदुपयोग गर्न सकेनन् ।
५७औं मिनेटमा लुसी ब्रन्जले बेथानी मिडको पासमा गोल गर्दै इंग्ल्यान्डको ३–० को जित पक्का गरिन् । ८३औं मिनेटमा निकिता पेरिस पेनाल्टीमा चुकिन् ।
अब इंग्ल्यान्डले सेमिफाइनलमा फ्रान्स अथवा अमेरिकाबीचको विजेतासँग प्रतिस्पर्धा गर्नेछ ।
