एजेन्सी – दक्षिण अफ्रिकाले अफ्रिका कप अप नेसन्समा नामिवियामाथि कठिन जित निकालेको छ । अफ्रिकाले नामिवियालाई १–० ले पराजित गरेको हो ।

समूह ‘डी’ मा पहिलो जितसँगै अफ्रिकाले प्रि–क्वाटरफाइनल पुग्ने सम्भावनालाई जीवितै राखेको छ । यो समूहमा मोरोक्कोको ६ अंक रहँदा आइभोरी कोस्ट र अफ्रिकाले समान ३ अंक जोडेका छन् । नामिविया अंकविहीन हुदै पुछारमा छ ।

इजिप्टस्थित अल सलाम स्टेडियममा प्रतिस्पर्धात्मक खेलमा अफ्रिकाका लागि बोनगानी जुङगुले दोस्रो हाफमा गरेको गोल निर्णायक बन्यो । उनले खेलको ६८औं मिनेटमा पर्सि टाउको पासमा गोल गरेका थिए ।

अब अफ्रिकाले समूहको शीर्षस्थानमा रहेको मोरोक्कोलाई पराजित गर्न सके तथा नामिविया र आइभोरी कोस्टले बराबरीको नतिजा निकाले अन्तिम १६ को यात्रा तय गर्नेछ । १ जुलाई राति हुनेछ ।

यही समूहको अर्काे खेलमा मोरोक्कोले आइभोरी कोस्टलाई १–० ले हरायो । खेलको २३औं मिनेटमा युसेफ इन नेस्रीले गरेको गोल नै मोरोक्कोको जितमा निर्णायक बन्यो ।

समूह ‘ई’ को खेलमा ट्युनिसिया र मालीले १–१ गोलको बराबरी खेल्दै अंक बाँडे । बराबरीसँगै माली ४ अंक जोडेर शीर्षस्थानमा रहँदा २ अंकसहित ट्युनिसिया दोस्रो स्थानमा छ । अंगोलाको १ तथा मौराीतानियाले अंक जोड्न सकेको छैन ।