काठमाडौं (हाम्रो खेलकुद) – एसियाली राष्ट्र कतारमा सन् २०२२ मा आयोजना हुने फिफा विश्वकप छनोटको दोस्रो चरण तथा २०२३ को एसियन कपको छनोटको पहिलो खेलमा नेपालले कुवेतसँग प्रतिस्पर्धा गर्ने भएको छ ।

फिफाले बुधबार निकालेको ‘ड्र’ र खेल तालिका अनुसार नेपालले विश्वकप छनोटको दोस्रो चरणको पहिलो खेलमा कुवेतसँग प्रतिस्पर्धा गर्नुपर्ने भएको हो । त्यसपछि नेपालले अस्ट्रेलिया, जोर्डन र चाइनिज ताइपेइसँग खेल्नेछ ।

विश्वकप छनोटमा नेपालले होम एन्ड अवेको आधारमा ८ खेल खेल्नेछ । जसमा ४ होम र ४ अवे खेल रहेको छन् । समूह ‘बी’ मा रहेको नेपालले ५ सेप्टेम्बरमा कुवेतसँग घरेलु मैदानमा खेल्नेछ । नेपालले कुवेतसँग नोभेम्बर १९ मा अवे खेल खेल्नेछ ।

नेपालले अष्ट्रेलियासँग अक्टोबर १० अवे खेल खेल्नेछ । यस्तै नेपालले अष्ट्रेलियासँग २०२० को मार्च ३१ मा घरेलु मैदानमा खेल्नेछ । यस्तै नेपालले जोर्डनसँग अक्टोबर १५ मा घरेलु मैदान र सन् २०२० को जुन ४ गते उसैको मैदानमा खेल्नेछ ।

नेपालले चाईनिज ताइपेसँग सेप्टेम्बर १० मा घरेलु मैदान र सन् २०२० को मार्च २६ मा उसैको मैदानमा खेल्नेछ ।

विश्वकप छनोटमा नेपालको खेल तालिका

नेपालविरुद्ध कुवेत ५ सेप्टेम्बर २०१९ (होम)

नेपालविरुद्ध चाइनिज ताइपेइ १० सेप्टेम्बर २०१९ (होम)

अस्ट्रेलियाविरुद्ध नेपाल १० अक्टोवर २०१९ (अवे)

नेपालविरुद्ध जोर्डन १५ अक्टोवर २०१९ (होम)

कुवेतविरुद्ध नेपाल १९ नोभेम्वर २०१९ (अवे)

चाइनिज ताइपेइविरुद्ध नेपाल २६ मार्च २०२० (अवे)

नेपालविरुद्ध अस्ट्रेलिया ३१ मार्च २०२० (होम)

जोर्डनविरुद्ध नेपाल ४ जुन २०२० (अवे)