एजेन्सी– बार्सिलोनाका सुपर स्टार नयाँ सिजनको तयारीमा सामेल हुनुअघिको समय परिवारलाई दिइरहेका छन् । छुट्टी मनाउने क्रममा उनी श्रीमती र बच्चाहरुसँग बीचमा रमाइरहेको देखिएका छन् । उनले समुद्रमा श्रीमती र बच्चाहरुसँग तस्बिर पनि खिचाएका छन् ।
अर्जेन्टिनाका कप्तान समेत रहेका मेस्सी प्रि सिजनको लागि टोलीमा कहिले आबद्ध हुन्छन् भन्ने अहिले नै टुंगो लागेको छैन । यद्दपी आर्सनलसँग अगस्ट ४ मा हुने खेलका लागि भने उनी उपलब्ध हुने पक्का भएको छ ।
कोपा अमेरिकाको सेमिफाइनलमा ब्राजिलसँग पराजित भएसँगै मेस्सी निकै निराश दिएका थिए । अब जुलाईको अन्तिम सम्ममा भने उनी टोलीमा फर्कने अपेक्षा गरिएको छ । अर्को साता बार्सिलोनाले जापान भ्रमण गर्दा भने मेस्सी हुने छैनन् ।
स्पेनिस ला लिगामा मेस्सीको पछिल्लो सिजन उत्कृष्ट रहेको थियो । टोलीलाई उपाधि दिलाउने क्रममा ३४ खेलमा उनले ३६ गोल गर्नुका साथै १५ एसिस्ट गरेका थिए । ३२ वर्षे मेस्सीले फेरि एक पटक युरोपिनयन गोल्डन बुट जितेका थिए । उनले सबै प्रतियोगितामा गरि गत सिजन ५१ गोल गरेका थिए ।
