काठमाडौं (हाम्रो खेलकुद)- विभागीय नेपाल पुलिस क्लब पहिलोपटक ललित मेमोरियल यु–१८ फुटबल प्रतियोगिताको फाइनलमा प्रवेश गरेको छ ।

• 

पुलिसले बिहीबार दोस्रो सेमिफाइनलमा जावलाखेल युथ क्लबलाई ३–१ ले पराजित गर्दै पहिलो पटक फाइनलको याा तय गर्दै उपाधिको लागि साविकको विजेता ब्रिगेड ब्वाइज क्लब (बीबीसी) सँगको भेट पक्का गरेको हो ।

सातदोबाटोस्थित एन्फा कम्प्लेक्सको खेल मैदानमा बिहीबार भएको खेलमा पुलिसलाई फाइनलसम्म पु¥याउन सन्जु सेनले २ तथा रविन राईले १ गाल गरे । जावलाखेलका शीर्षकभक्त श्रेष्ठले एक गोल फर्काए ।

खेलको २८औं मिनेटमा पुलिसले सन्जु सेनको गोलबाट अग्रता बनाएको थियो । ४४औं मिनेटमा शीर्षकभक्त श्रेष्ठले गोल गर्दै खेललाई बराबरीमा लयाएका थिए । पहिलो हाफको इन्ज्युरी समयको थप गरिएको दोस्रो मिनेटमा सन्जुले व्यक्तिगत दोस्रो गोल गरेपछि पुलिस पहिलो हाफम २–१ ले अघि बढेको थियो । खेल सकिन १ मिनेट बाँकी रहँदा रविन राईले गोल गर्दै टोलीलाई ३–१ को जितसहित फाइनलमा पु¥याए ।

बिहीबारै साविकको विजेता बीबीसीले मनाङमाथि ७–१ को फराकिलो जित निकाल्दै फाइनलमा स्थान बनाइसकेको छ । लिग कम नकआउटका आधारमा २९ जेठबाट शुरु हुने प्रतियोगिताको फाइनल साउन ५ गते आइतबार हुनेछ ।
प्रतियोगितामा ‘ए’ डिभिजनका १४ टोलीका १८ वर्ष मुनिका टिमको सहभागिता रहेको छ ।

प्रतियोगिताको विजेताले ३ लाख रुपैयाँ प्राप्त गर्नेछ । उपविजेताले १ लाख ५० हजार रुपैयाँ पाउनेछ । प्रतियोगिताको सुरुवाती दुई संस्करण आर्मी च्याम्पियन बन्दा गत संस्करणमा ब्रिगेड ब्वाईज च्याम्पियन बनेको थियो ।