default_image

8 years ago

May 28, 2016

च्यम्पियन्स लिग फाइनलमा प्रभाव देखाउन सक्ने केही खेलाडी

मिलान (एजेन्सी) – अबको केही घन्टामा यस बर्षको युरोपियन च्याम्पियन्स लिगको विजेताको टुंगो लाग्नेछ । स्पेन जाने यसअघि नै पक्का भइसकेको च्याम्पियन्स लिग उपाधि जित्न फेरी एक पटक एकै सहरका रियाल मड्रिड र एट्लेटिको मड्रिड आमने सामने हुँदैछन् । दुई बर्षअघि पनि यी दुई टोलीनै फाइनलमा भिडेका थिए । जहाँ रियाल १० औं पटक उपाधि […]

23 views

0 Bookmark

मिलान (एजेन्सी) – अबको केही घन्टामा यस बर्षको युरोपियन च्याम्पियन्स लिगको विजेताको टुंगो लाग्नेछ ।

स्पेन जाने यसअघि नै पक्का भइसकेको च्याम्पियन्स लिग उपाधि जित्न फेरी एक पटक एकै सहरका रियाल मड्रिड र एट्लेटिको मड्रिड आमने सामने हुँदैछन् । दुई बर्षअघि पनि यी दुई टोलीनै फाइनलमा भिडेका थिए । जहाँ रियाल १० औं पटक उपाधि उचाल्न सफल भएको थियो ।

real madrid vs atletico madrid

एट्लेटिकोले भने अहिले सम्म त्यो मौका पाएको छैन । रियाल र एट्लेटिको दुवै टोलीमा फर्ममा रहेका खेलाडीको थुपै्र छन् । तर फाइनलमा को चम्कन्छ । त्यसको लागि अब केही घन्टामात्र कुर्नुपर्ने हुन्छ ।

रियालका क्रिस्टियानो रोनाल्डो निर्विकल्प यसपटकको फाइनलमा दर्शकको केन्द्रविन्दुमा हुनेछन् । रियालबाट उनी दोस्रो पटक फाइनल खेल्दैछन् । सँगै यो सिजन उनकै टोलीका अरु खेलाडी र एट्लेटिको खेलाडीले पनि उच्च प्रदर्शन गरिरहेका छन् । अब मात्रै फाइनलमा पनि त्यो जादु गर्न सक्छन् सक्दैनन् प्रश्न त्यहि मात्र बाँकी छ ।
यहाँ केही खेलाडीको चर्चा गरिएको छ । जसले फाइनलमा प्रभाव पार्ने क्षमता राख्छन् ।

फर्नान्डो टोरेस

तीन पटक विश्वकप र तीनै पटक युरोपियन च्याम्पियनसिप खेलिसहेका भेट्रान स्ट्राइकर टोरेस ठूलो प्रतियोगितामा सधै महत्वपूर्ण मानिन्छन् । स्पेनले सन् २००८ र २०१२ मा युरोको फाइनल खेल्दा टोरेसले दुवैमा गोल गरेका थिए । ३२ बर्षे एट्लेटिका स्टारले यो सिजन उच्च प्रदर्शन गर्दै आएका छन् । लिगका पछिल्ला दुई खेलमा पनि उनले गोल गरेका थिए । उनले भने ‘मरो खेल जीवनको एउटा अति महत्वपूर्ण खेल खेल्ने तयारीमा छु ।’

गेराथ बेल

गेराथ बेलले जारी सिजनको च्याम्पियन्स लिगमा गोल गरेका छैनन् । तर पनि स्पेनिस ला लिगाको अन्तिम चरण तिर आइपुग्दा उनको प्रदर्शन स्तरीय रहेको थियो । चोटका कारण क्रिस्टियानो रोनाल्डो मैदान बाहिर रहँदा रियालको अग्रपक्तिको मोर्चा सम्हाल्ने क्रममा बेलले लिगका पछिल्ला चार खेलमा चार गोल गरेका थिए । बेलले रियाल मड्रिडको पछिल्लो च्याम्पिन्स लिग फाइनलमा महत्वपूर्ण भूमिका निर्वाह गरेका थिए । दुई बर्षअघि उनले च्याम्पियन्स लिग, कोपा डेल रे र क्लब विश्वकपको फाइनलमा गोल गरेका थिए ।

‘मलाई थाहा छैन यसमा के रहस्यमय हुन्छ,’ बेलले भने,‘ फाइनलमा हरेक खेलाडी उच्च प्रदर्शन दिन प्रतिबद्ध हुन्छ । म आशा छ शनिबारको खेलमा म गोल पनि गर्नेछु र जसले टोलीलाई उपाधि पनि दिलाउनेछ ।’

एन्टेनो ग्रिजमन

फ्रान्सेली स्ट्राइकर ग्रिजमनले यो सिजन उच्च प्रदर्शन गरिरहेका छन् । एट्लेटिकोले च्याम्पियन्स लिगमा गरेका १६ गोलमध्ये ७ गोल ग्रिजमनकै नाममा छन् । ग्रिजमनले तीन गोल टोलीका पछिल्ला तीन खेलमा गरेका थिए । साविक विजेता बार्सिलोनाविरुद्धको दोस्रो लेगमा दुवै गोल उनले नै गरेका थिए । त्यस्तै बार्यन म्युनिखविरुद्धको सेमिफाइन्लमा पनि उनको भूमिका महत्वपूर्ण रह्यो । उनले भने,‘ यो सिजन मेरो उत्कृष्ट रह्यो । आशा गरौं यसको अन्त्य पनि महत्वका साथ हुनेछ ।’

करिम बेन्जिमा

अफ द फिल्ड बेन्जिमाको लागि यो सिजन त्यति सन्तोषजनक रहेन । उनी विवादमा मुछिए । तथापी उनी रियालका सबैभन्दा खतरनाक खेलाडीका रुपमा हेरिन्छन् । उनले प्रदर्शन पनि त्यहि अनुरुपको गरेका छन् ।

च्याम्पियन्स लिगमा टोलीका लागि सर्वाधिक गोल गर्नेको सुचिमा उनी दोस्रो नम्बरमा छन् । १६ गोल गरेका रोनाल्डोपछि उनी छन् । उनले ८ गोल गरिसकेको छन् । ला लिगामा पनि क्लबका लागि बढी गोल गर्ने रोनाल्डो पछि उनै छन् ।

साउल निगुज

युवा खेलाडी निगुज एट्लेटिकोका आश्चार्यजनक खेलाडी हुन् । बायर्न म्युनिखविरुद्धको सेमिफाइनलको पहिलो लेगमा एट्लेटिको १–० ले जित्दा २१ बर्षे मिडफिल्डर निगुजले नै गोल गरेका थिए । सिजनको उच्च प्रदर्शनका कारण उनी युरो २०१६ को स्पेनिस टोलीका लागि प्रारम्भिक छनोटमा परेको थियो । टोरेस, डिएगो कोस्टा जस्ता भेट्रान खेलाडीको सट्टा स्पेनिस टोलीमा मौका पाउनु उनका लागि महत्वपूर्ण मानिएको छ ।

लुकास भाजक्वेज

एट्लेटिकोका निगुज जस्तै भाजक्वेज पनि स्पेनिस राष्ट्रिय टोलीमा छनोट भएका छन् । रियालका लागि जारी सिजनमा दमदार प्रदर्शन गरेका कारण उनी स्पेनिस टोलीमा समावेश गरिउका हुन् । रियालकै उत्पादन २४ बर्षे फरवार्डले ला लिगा सिजनको अन्त्य तिर पहिलो रोजाइमा पर्ने मौका पाए । जसलाई उनले खेल जान दिएनन् र पटक पटक गोल गर्दै आफुलाई प्रमाणित गर्न सफल भए ।
‘च्याम्पिन्स लिग फाइनल खेल्ने अवसर पाउनु भनेको गर्वको विषय हो,’ भाजक्वेजले भने,‘ यो क्लबको सबैभन्दा माथिल्लो प्रतिस्पर्धा हो । जहाँ बर्षभर गरेको उच्च प्रदर्शनलाई पुनः दोहोराउन आवश्यक छ ।’

दुई बर्षअघि पनि रियाल र एट्लेटिकोले नै च्याम्पियन्स लिग फाइनल खेलेका थिए । तर, त्यति बेला फरवार्डभन्दा अन्य खेलाडी निर्णायक देखिएका थिए । एट्लेटिको डिएगो गोडिनले पहिलो हाफमा गोल गरेका थिए भने दोस्रो हाफको इन्जुरी समयमा रक्षक सर्जियो रामोसले बराबरी गोल गरेका थिए । जसका खेल थप समयमा थकेलिएको थियो । जसमा रियाल ४–१ ले विजयी भएको थियो । शनिबार हुने फाइनलमा रक्षक रियालका रक्षक मार्सेलो र एट्लेटकोका फिलिप लुइस, रियालका मिडफिल्डर टोनी क्रुस, हामेस रोड्रिग्वेज तथा एट्लेटिकाका गावि फर्नान्डेजले पनि प्रभाव पार्न सक्छन् । ‘हामी उत्कृष्ट टोलीविरुद्ध खेल्ने तयारीमा छौं,’ गोडिनले भने,‘ उनीहरुविरुद्ध हामी उच्च प्रदर्शन गर्नेमा विश्वस्त छौं ।’

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.