काठमाडौं (हाम्रो खेलकुद)– अखिल नेपाल फुटबल संघ (एन्फा) ले राष्ट्रिय फुटबल टोलीका एथ्लेटिक ट्रेनर विवेक विक्रान्त अधिकारीलाई बर्खास्त गरेको छ । एन्फा कार्यसमितिको मंगलबार बसेको आकस्मिक बैठकले छानविन समितिले दिएको प्रतिवेदनका आधारमा कारवाही गरेको जनाएको छ । एन्फाले विवेकलाई जिम्मेवारीबाट हटाउने निर्णय गरेको छ भने नाम नतोकी खेलाडीलाई अनुशासनमा रहन सचेत गर्ने निर्णय गरेको छ ।

असारको ९ गते ट्रेनर र राष्ट्रिय टोलीका गोलकिपर किरण चेम्जोङबीच विवाद भएको थियो । पछि विवेकले किरणलाई पछ्याउँदै तातो चिया अनुहारमा खनाइदिएपछि विवादले उग्ररुप लिएको थियो । त्यसपछि एन्फाले केन्द्रिय सदस्य मधुसुदन उपाध्यायको संयोजकत्वमा तीन सदस्यी छानबिन समिति गठन गरेको थियो ।

समितिले विकेकलाई बर्खास्त र किरणलगायत अन्य खेलाडीलाई भने अनुशासनमा रहन चेतावनी दिने निर्णय गर्न सुझाव दिएको थियो । ‘घटनामा विवेक र किरण प्रत्यक्ष संलग्न देखिएपनि अन्य खेलाडीका विषय पनि उठेका छन्,’ एन्फा प्रवक्ता किरण राईले भने,‘ हामीले नाम सार्वजनिक नगरेपनि खेलाडीलाई पनि सचेत गराउने निर्णय लिएका छौं ।’

विवाद अघि नै राष्ट्रिय टोलीका खेलाडी विवेकको ट्रेनिङमा सन्तुष्ट थिएनन् । त्यस अन्य खेलाडीको गुनासोलाई सम्बोधन गर्ने क्रममा किरणले घटना भन्दा अघि नै खेलाडीको हस्ताक्षर संकलन समेत गरेको बताइएको छ । एन्फाले त्यसलाई भने स्वीकार गर्न नसक्ने बताएको थियो ।

‘प्रशिक्षक चित्त बुझेन भन्दै हस्ताक्षर संकलन गर्दै हिड्ने परम्परा अनुसाशन भन्दा बाहिरको हो,’ एन्फा एक पदाधिकारीले भने,‘ भोली अध्यक्ष वा अरु कोहि चित्त बुझेन भनेर हस्ताक्षर संकलन गर्ने परम्पराको विकास हुन सक्छ । चित्त नबुझेको कुरा राख्ने ठाँउ छ र त्यसको ढंग छ । ’ यसैबीच किरण हालै भारतीय क्लब मर्निभा पञ्जाबमा आबद्ध भएका छन् ।

एन्फाले आकस्मिक बैठकबाट अन्य धेरै निर्णय यस प्रकार छन् ।