काठमाडौं (हाम्रो खेलकुद)– अखिल नेपाल फुटबल संघ (एन्फा) ले साफ यू १५ च्याम्पियनसिपका लागि २३ सदस्यीय टोलीको घोषणा गरेको छ । यू १५ च्याम्पियनसिप भारतको कल्याणीमा भदौ ४ देखि १४ गते सम्म आयोजना हुनेछ ।

सुनिल श्रेष्ठ मुख्य प्रशिक्षक रहेको प्रशिक्षण टोलीमा राजकुमार केसी सहायक र विनोद महर्जन गोलकिपिङ प्रशिक्षक रहेका छन् । प्रशिक्षणका लागि बोलाइएका ५२ खेलाडीबाट घटाउँदै अन्तिम टोलीको छनोट गरिएको थियो ।

मुख्य प्रशिक्षक श्रेष्ठले उपाधि जित्ने सम्भावना रहेका बताएका छन् । यद्दपी उनले मुख्य दाबेदार नै रहेको दाबी गर्न नमिल्ने बताएका छन् । ‘भारत बलियो प्रतिद्धन्द्धि हो । पहिलो खेल उनीहरुविरुद्ध नै छ,’ श्रेष्ठले भने,‘ पहिलो खेल नै महत्वपूर्ण छ । त्यो खेल जित्न सके । फाइनल पुग्ने सम्भावना रहन्छ ।

भारतपछि नेपालले अगस्ट २३ मा श्रीलंकासँग प्रतिस्पर्धा गर्नेछ । बंगलादेशसँग २७ मा प्रतिस्पर्धा गर्ने नेपालले अर्को खेल भुटानविरुद्ध अगस्ट २९ मा खेल्नेछ । राउन्ड रोविन लिग पछि समूहका शीर्ष २ टोलीले फाइनल खेल्नेछन् ।

साफ यू १५ नेपाली टोली

गोलकिपर – इश्वर गुरुङ, मनोज दाहाल, जेनिस केसी

रक्षक – प्रज्ञान महर्जन, अभिषेक वाइवा, प्रमिश गुरुङ, अजय चौधरी, जान लिम्बु, रोशन थापा

मिडफिल्ड – जन्म जय धामी, निराजन मल्ल, प्रदीप लम्साल, नितेश श्रेष्ठ, अशिम राई, विपिन तुमसिङ मगर, अमिर हमिद, मोहित गुरुङ, निराजन खत्री, अनिल चौलागाई

फरवार्ड – कृसन अधिकारी यादव, कृश सापकोटा, सगुन जिमी, शंशाक बोहोरा