काठमाडौं (हाम्रो खेलकुद)– नेपालमा सेप्टेम्बर मध्यसाता आयोजना हुने यु–१८ साफ च्यामिपयनसिपका लागि मुख्य प्रशिक्षक चेत नारायण श्रेष्ठले दोस्रो चरणमा ३० खेलाडी छनोट गरेको छ ।

प्रशिक्षक श्रेष्ठले मंगलबार प्रारम्भिक चरणमा रहेका ४६ खेलाडीबाट १६ खेलाडीलाई बाहिर राख्दै दोस्रो चरणमा ३० खेलाडी छनोट गरेको हो । टोलीमा केही खेलाडीहरु राम्रो रहेको र उनीहले अझै सुधार गर्नुपर्ने बताएका छन् ।

‘केही (१२) खेलाडीसँग ‘ए’ डिभिजन लिग र विभिन्न गोल्डकप खेलेको अनुभव छ । उनीहरुले घरेलु लिगमा जस्तै साफमा पनि जुझारु प्रदर्शन गर्नेमा विश्वस्त छु ।’ प्रशिक्षक श्रेष्ठले भने, ‘मेरो लक्ष्य फाइनल पुग्ने र उपाधि जित्ने हो । टोलीबाट म पुर्ण आशावादी छु । हाम्रो समूहमा सबै हामी स्तरका टोली छन् । केही सहज हुन सक्नेछ ।’

श्रेष्ठले सेप्टेम्वर पहिलो साताभित्रमा २३ सदस्यीय टोली घोषणा हुने बताएको छ । नेपाल रहेको समूह ‘ए’ मा भुटान, माल्दिभ्स र पाकिस्तान रहेका छन् । साफ यु–१८ च्याम्पियनसिप सेप्टेम्वर २० बाट २९ सम्मा हल्चोकको एपीएफ स्टेडियममा हुदैछ ।

नेपाली टोली
गोलरक्षकः विशाल सुनार, सुर्य अधिकारी, रोहित कार्की र पुजन होना
डिफेन्डरः विशाल बस्नेत, रन्दिप पौडेल, पदम भट्टराई, असिम गुरुङ, सुजन शर्मा, नवीन गुरुङ, रोशन दोङ, विशान्त बस्नेत, एलिक रुम्वा र अन्जन महर्जन
मिडफिल्डरः शिशिर लेखी, दिपेश गुरुङ, रोशन रानामगर, राजन पुन, आका बुढामगर, रेजिन माझी, जय गुरुङ, मनिष थापा, कुशल फ्युवा र नितिन थापा
फरवार्डः ब्रिजेश चौधरी, सच्चु गुरुङ, निरज चौधरी, कैलाश लामिछाने, दर्शन गुरुङ र मनिष डाँगी