एजेन्सी – इंग्लिस प्रिमियर लिग फुटबलमा आज दोस्रो चरणमा आज सात खेल हुँदैछन् । साविकको विजेता तथा उपाधिको दाबेदार म्यानचेस्टर सिटी र टोटेनहम आमने सामने हुँदैछन् ।

खेल सिटीको मैदानमा खेल नेपाली समय अनुसार राती १०ः१५ बजे सुरु हुनेछ । दुवै टोलीले पहिलो चरणमा जितको स्वाद पाएको दोस्रो चरणमा पनि जितको खोजीमा नै मैदान उत्रनेछ । पहिलो चरणमा सिटीले वेस्टह्याममाथि ५–० को फराकिलो जित दर्ता गर्दा टोटेनहमले एस्टन भिल्लालाई ३–१ ले हराएको थियो ।

दुवै टोली लगातार दोस्रो जितको खोजीमा हुनेछ । सिटी र टोटेनहमबीचको खेल निकै रोमाञ्चक र प्रतिस्पर्धात्मक हुने अपेक्षा गरिएको छ । सिटीले टोटेनहमसँगको पछिल्ला सबै चार खेलमा जित निकालेको कारण शनिबार राति पनि बलियो आत्मविश्वासका साथ मैदान उत्रनेछ ।

सिटीका लागि अघिल्लो खेलमा ह्याट्रिक पुरा गरेका रहिम स्ट्रलिङ, सर्जियो अगुइरो, रियाद महारेज र केभिन डि ब्रुयन टोलीका मुख्य हतियार हुन् ।

सिटीले १९८९/९० पछि घरेलु मैदानमा बिग सिक्सविरुद्ध हार भोगेको छैन । सिटी त्यतिबेला साउथह्याम्पटनसँग पराजित भएको थियो । जसमा सिटीले १६ खेलमा जित निकाल्दा ८ बराबरी खेलेको छ ।

यता, टोटेनहम सिटीसँगको पछिल्ला चार खेलमा बेहोर्दे आएको हारको जिन्कलाई तोड्ने लक्ष्यका साथ मैदानमा उत्रनेछ । सिटीका लागि ह्यारी केन, लुकास मौउरा र क्रिस्टियन इरिक्सन मुख्य हतियार हुनेछन् ।

यस्तै साविकको उपविजेता लिभरपुलले साउथह्याम्पटनको भ्रमण गर्दैछ ।

प्रिमियर लिगको अन्य खेलहरु

• आर्सनलविरुद्ध बर्नली (साँझ ५ः१५ बजे)
• एस्टन भिल्ला विरुद्ध बर्नमाउथ (राति ७ः४५ बजे)
• ब्राइटनविरुद्ध वेस्टह्याम (राति ७ः४५ बजे)
• एभर्टनविरुद्ध वाटफोर्ड (राति ७ः४५ बजे)
• नर्विचविरुद्ध न्यु क्यासल (राति ७ः४५ बजे
• साउथह्यानम्पटनविरुछ लिभरपुल (राति ७ः४५ बजे)
• म्यानचेस्ट सिटीविरुद्ध टोटेनहम ( राती १०ः१५ बजे)