नेपालगञ्ज (हाम्रो खेलकुद) – नेपालगन्जमा भएको क्विक्स कप अन्तरविद्यालय फुटबल प्रतियोगिताको उपाधि चिसापानीको दीपज्योति मावि र कोहलपुरको जनज्योति पब्लिक हाइस्कुलले जितेको छ । दीपज्योति छात्र र जनज्योति छात्रातर्फ च्याम्पियन बनेको हो ।

नेपालगन्ज रंगशालामा आइतबार भएको फाइनलमा जनज्योतीले गौतमबस्तीको अमर माविलाई ६–० ले हरायो । जनज्योकिा लागि अञ्जली चौधरी र रोजी सुवेदीले ह्याट्रिक गरे । छात्रातर्फ ८ विललयको सहभागिता थियो ।

छात्रतर्फ दुई गोलको अग्रता जोगाउन नसक्दा चप्परगौडीको दीपज्योती विद्याश्रम फाइनलमा पराजित भयो । दीपज्योती मावि चिसापानीले उत्कृष्ट पुनरागमन गर्दै ५–३ को जित हासिल गरको थियो । चिसापानीका लागि लक्ष्मण रानाले २, सुमित थापामगर, राजु चौधरी र सन्दीप सोनीले समान १ गोल गरे । दीपज्योती विद्याश्रमबाट ईश्वर श्रेष्ठले २ र गणेश कुवरले १ गोल गरे ।

प्रतियोगिताका विजेता, उपविजेता खेलाडी तथा प्रशिक्षकलाई नेपालगञ्जका मेयर धवलशमशेर राणा, उपमेयर उमा थापामगर, राखेपका सदस्य विनोद मैनाली, एन्फाका पूर्व मानार्थ उपाध्यक्ष गोवद्र्धनसिंह सम्झना, मध्यपश्चिम क्षेत्रीय खेलकुद विकास समितिका कार्यवाहक अध्यक्ष नरेन्द्र थापा, बाँके जिल्ला फुटबल संघका अध्यक्ष भोजराज शाहीलगायतले पुरस्कृत गरे ।

बाँके जिल्ला फुटबल संघले आयोजना गरेको प्रतियोगितामा छात्रतर्फ ३२ विद्यालयको सहभागिता थियो ।