रियलको जितमा बेन्जिमाको २ गोल

एजेन्सी– खेलाडीहरुको चोटका कारण दबाबमा रहेको रियल म्याड्रिडले शनिबार ला लिगामा सफलता हासिल गरको छ । टोलीले घरेलु मैदानमा लेभान्टेलाई ३–२ ले पराजित गरेको छ ।

पहिलो हाफमै ३–० को अग्रता बनाएको रियलले दोस्रो हाफमा भने २ गोलको सामना गरेको थियो । रियलका लागि पहिलो हाफमै करिम बेन्जिमाले २ र कासिमारोले गोल गरेका थिए । लेभान्टेका लागि ब्रोजा मायोरा र गोन्जालो मेलेरोले गोल गरेका थिए ।

२५ औं मिनेटमा पहिलो गोल गरेका बेन्जिमाले अर्को गोल ३१ औं मिनेटमा गरेका थिए । कासिमाराले ४० औं मिनेटमा गोल गरेपछि रियल पहिलो हाफमै बलियो अवस्थामा पुगेको थियो । तर, मायोरालले दोस्रो हाफको चौथो मिनेटमा गोल फर्काृउँदै रियलमाथि दबाब बढाए ।

खेल सकिन १५ मिनेट बाँकी रहँदा मेलेरोले गोल थपेपछि रियल केहि दबाबमा परेको थियो । तर, त्यसपछि भने कुनै गोल भएन र रियल नयाँ सिजनमा दास्रो जित निकाल्न सफल भयो ।

४ खेलको समाप्तीमा २ जित र २ बराबरी खेलेको रियल ८ अंकसहित दोस्रो स्थानमा उक्लेको छ । ३ खेलमा शतप्रतिशत ९ अंकका साथ एट्लेटिको म्याड्रिड शीर्षस्थानमा छ । साविक विजेता बार्सिलोना ४ अंकका साथ आठौं स्थानमा छ ।

रियलको जितमा बेन्जिमाको २ गोल

Latest News

Popular News

फुटबल

झापा कपको उद्घाटन खेल-आर्मी र एलएक्स सिटी खेल्ने

एनएसएलको तेस्रो संस्करण चैतमा

फुटबलर अमिशा र गीता नगदसहित सम्मानित

चर्चित खेलहरु:

उपयोगी लिङ्कहरू

सम्पर्क

सामाजिक संजाल