एजेन्सी– पेरिस सेन्ट जर्मेन (पिएसजी) का सुपर स्टार नेयमारको च्याम्पियन्स लिगमा ३ को सट्टा अब २ खेलको प्रतिबन्ध हुने भएको छ । कोर्ट अफ आर्बिट्रेसन फर स्पोर्टस (सिएएस) ले नेयमारमाथिको प्रतिबन्धमा १ खेल घटाएको छ ।

गत सिजनमा म्यानचेस्टर युनाइटेडविरुद्धको च्याम्पियन्स लिग क्वार्टरफाइनल पछि सामाजिक सञ्जालमा दिएको प्रक्रियाका आधारमा उनमाथि तीन खेलको प्रतिबन्ध लगाइएको थियो । पिएसजी युनाइटेडसँग ३–१ ले पराजित भएपछि उनले सामाजिक सञ्जालमा रेफ्रीको आलोचना गरेका थिए । युइएफएले पिएसजीको उजुरीलाई खारेज गरेपछि लिग वान च्याम्पियन टोलीले सिएएसमा अपिल गरेको थियो ।

जसले मंगलबार प्रतिबन्ध ३ बाट २ खेलमा झारेको छ । युइएफएले यहि वर्षको जुन १८ मा लिएको नेयमारविरुद्धको निर्णयका विरुद्धमा फ्रेन्च क्लब पिएसजीले दिएको उजुरीमा सिएएसले अन्तिम निर्णय सुनाएको छ । सिएएसले विज्ञप्तीमार्फत भनेको छ, खेलाडीले अफिसियलको अपमान गरेका छन् । उनीमाथि ३ खेलको प्रतिबन्धमा अब २ खेलमा घटाइएको छ ।

त्यो खेलमा नेयमारलाई चोट पनि लागेको थियो । त्यो खेलमा युनाइटेडले विवादास्पद पेनाल्टी पनि पाएको थियो । नेयमारले पछि सामाजिक सञ्जालमा खेलेका थिए, ‘त्यो राम्रो भएन । फुटबलका बारेमा केहि थाहा नभएका हरुलाई भार हेर्ने जिम्मा दिइएको छ ।’

बार्सिलोनाका पूर्व स्टार नेयमार फेरि स्पेन फर्कने चर्चा चलेपनि अन्ततः उनी यसपटक पिएसजी मै बसेका छन् । उनले सिजनको पहिलो खेल शनिबार खेल्दै स्टार्सबर्गविरुद्ध गोल गरेका थिए । जसमा टोली १–० ले विजयी भएको थियो ।

कारवाही घटेपछि अब उनले आज रियल म्याड्रिडविरुद्ध हुने खेल र अक्टुबर १ मा गालाटासारेसविरुद्ध हुने खेल गुमाउनेछन् । अब क्लब ब्रुगेविरुद्धको खेलमा भने नेयमार उपलब्ध हुनेछन् ।