5 years ago
September 18, 2019
काठमाडौं (हाम्रो खेलकुद) – साफ यू १८ को उपाधि रक्षा गर्ने लक्ष्यका साथ मैदान नेपाली युवा टोली उत्रदा सबैभन्दा बढी दबाब सम्भवत प्रशिक्षक चेतनारायण श्रेष्ठ हुनेछन् । युवा प्रशिक्षकमा सफल बालगोपाल महर्जनका समकालिन श्रेष्ठमाथि आफ्नो प्रशिक्षण क्षमतालाई प्रमाणित गर्ने यो अहिले सम्मकै उत्कृष्ट अवसर भएको उनी आफै स्वीकार गर्छन् । ‘बालगोपाल सफल प्रशिक्षक हुन् । […]
काठमाडौं (हाम्रो खेलकुद) – साफ यू १८ को उपाधि रक्षा गर्ने लक्ष्यका साथ मैदान नेपाली युवा टोली उत्रदा सबैभन्दा बढी दबाब सम्भवत प्रशिक्षक चेतनारायण श्रेष्ठ हुनेछन् । युवा प्रशिक्षकमा सफल बालगोपाल महर्जनका समकालिन श्रेष्ठमाथि आफ्नो प्रशिक्षण क्षमतालाई प्रमाणित गर्ने यो अहिले सम्मकै उत्कृष्ट अवसर भएको उनी आफै स्वीकार गर्छन् ।
‘बालगोपाल सफल प्रशिक्षक हुन् । उनी राम्रा प्रशिक्षक त हुन् नै अलिकता भाग्यमानी पछि छन्,’ श्रेष्ठले भने, ‘मैले औपचारिक रुपमा नेपाली युवा टोली हेर्ने मौका पहिलो पटक पाएको छु । यो मेरो लागि जति चुनौति हो त्यत्ति नै अवसर पनि हो । मैले आफुलाई प्रमाणित गर्ने अवसरका रुपमा हेरेको छु । ‘ सन् २०१० र २०११ मा यू १३ टोलीले इरानमा भएको युथ फेस्टिबलमा भाग लिँदा श्रेष्ठ त्यसको प्रशिक्षक थिए ।
बाल गोपाल महर्जनको प्रशिक्षणमा नेपालले चार वर्षअघि (२०७२) मा घरेलु मैदानमा आयोजना भएको साफ यू १९ च्याम्पियनसिप को पहिलो संस्करणको उपाधि जितेको थियो । पछि महर्जनकै प्रशिक्षमा नेपाली सिनियर टोलीले बंगबन्धु गोल्ड कप जितेको थियो । त्यसपछि साफ यू १८ का नाममा भएको च्याम्पियनसिप पनि नेपालले छिरिङ लोप्साङ टोलीका प्रशिक्षक थिए । अघिल्ला दुवै संस्करण जितेकाले त्यसको उपाधि जोगाउन जिम्मा अहिले श्रेष्ठको काँधमा आइपुगेको छ ।
औपचारिक रुपमा डेढ महिना देखि टोलीको कमान सम्हालेका श्रेष्ठले अहिलेका खेलाडीलाई लामो समयदेखि निरिक्षण गर्दै आएको बताएका छन् । ‘मैले ललित स्मृति हुँदा वा त्यो भन्दा अगाडि देखि तयारीकै अवस्था देखि यी खेलाडीलाई वाच गरेको थिए,’ पूर्व स्ट्राइकर उनले भने, ‘हामी जति सक्दो बलियो टोली लिएर उपाधि रक्षा गर्ने लक्ष्यका साथ अघि बढ्ने कोसिस गरिरहेका छौं । ‘
शुक्रबारदेखि नेपाल एपीएफको हलचोकस्थित मैदानमा सुरु हुने यू १८ च्याम्पियनसिपमा नेपाल समूह एमा माल्दिभ्स र भुटानसँग परेको छ । अर्को समूहमा बंगलादेश, भारत र श्रीलंका छन् । एक साता पोखरामा अन्तिम तयारी गर्दै टोली काठमाडौं फर्केको थियो । सुरुमा तयारीका लागि थाइल्यान्ड वा चीन लाने योजना भएपनि पछि त्यो सम्भव नभएपछि पोखरा गएको प्रशिक्षक श्रेष्ठले बताए । सहारा क्लबको दोबिल्ला एकेडेमीमा टोलीले एक साता अभ्यास गर्यो र दुई वटा मैत्रीपूर्ण खेल खेलेर फर्केको थियो ।
नेपालको सबै उमेर समूहदेखि सिनियर टोलीमा पनि स्ट्राइकिङ लाइनमा समस्या देखिने उल्लेख गर्दै श्रेष्ठले भने, ‘म आफैं पनि स्ट्राइकर हुँ । हामीलाई गोल निकाल्न निकै कठिन हुने गरेको अनुभव छ । मैले त्यसैमै बढी ध्यान दिएको छु । जति राम्रो टिम भएपनि फुटबलमा गोल नहुँदा सम्म परिणाम निकाल्न सकिन्न । हामी त्यसमा सचेत छौं । ‘
श्रेष्ठले जय गुरुङलाई यू १८ को कप्तान र नितिन थापालाई उपकप्तान चुनेका छन् । ब्रिगेड ब्वाइज क्लबका मिडफिल्डर जयमा कप्तानीको अनुभव र क्षमता रहेका कारण उनलाई जिम्मेवारी दिइएको श्रेष्ठले बताए । ‘उनी आफू पनि राम्रो खेलाडी अनि वास्तविक लिडर छन् । एकदमै स्तरीय र टोलीलाई अगाडि बसेर नेतृत्व गर्ने क्षमता राख्छन्, ‘श्रेष्ठले भने, ‘त्यसका आधारमा मैले उनलाई कप्तान चुनेको हु । उनकै ब्याचका नितिनलाई उप कप्तान बनाएका हुँ । ‘
श्रेष्ठले समर्थक हलचोक आएर टोलीको हौसला बढाइदिन आग्रह गरेका छन् । ‘फुटबलमा समर्थकको ठूलो भूमिका हुन्छ । हामीले पनि तपाईहरुको साथको अपेक्षा गरेका छौं,’ श्रेष्ठले भने, ‘म सबैलाई मैदान आएर टोलीको हौसला बढाइदिन विशेष आग्रह गर्न चाहन्छु । तपाईहरुको हौसलाले खेलाडीलाई उत्साह मिल्नेछ । त्यसैले सबैलाई मैदानमा आउन हामी आग्रह गर्दैछौं ।’
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]