फ्रान्कफर्टमाथि आर्सनलको जित

एजेन्सी – इंग्लिस क्लब आर्सनलले युरोपा लिग फुटबलमा जर्मन क्लब फ्रान्कफर्टमाथि प्रभावशाली जित निकालेको छ । आसर्नलले १० खेलाडीमा समेटिएको फ्रान्कफर्टमाथि उसकै मैदानमा ३–० को जित प्रभावशाली जित निकालेको हो ।

फ्रान्कफर्टमा बिहीबार राति भएको खेलमा आर्सनलले खेलको ३८औं मिनेटमा जोसेफ विललकको गोलबाट अग्रता लिएको थियो ।
७९औं मिनेटमा घरेलु टोलीका डोमिनिक कोर दोहोरो पहँेलो कार्ड खादै मैदानबाट बाहिरिएपछि आसर्नलले त्यसको फाइदा उठाउन सफल भयो ।

८५औं मिनेटमा बुकायो साकाले गोल गर्दै आर्सनलको अग्रता दोब्बर पारे । त्यसको तीन मिनेटपछि पिएरे इम्रिक औवामियाङले गोल गर्दै आर्सनलाई ३–० को सहज जित दिलाए । जितसँगै समूह ‘एफ’ मा आर्सनलले ३ अंक जोडेको छ । फ्रान्कफर्ट अंकविहीन छ ।