पेरिस, (एजेन्सी)-इटालीले युरोपियन च्याम्पियनसिपमा विजय सुरुआत गर्ने क्रममा इटालीले बेल्जियमलाई २–० ले हराएको छ । इमानुली गेचिरिनी र गार्जिनो पिलीको गोलमामा इटालीले समूह इमा विजयी सुरुआत गरेको छ । त्यसअघि समूह इको अर्को खेलमा आयरल्यान्ड र स्वीडेनले १–१ को बराबरी खेलेका थिए ।
धर्यता, संगठति रुपमा प्रस्तुत इटालीले आकर्षक फुटबल खेलेको थियो । गेचिरिनीले पहिलो हाफ र पिलीले अन्तिम समयमा गोल गरेका थिए । ३२ औं मिनेमा पहिलो गोल गरेका गेचिरिनीले सन् २०१३ यता टोलीका लागि पहिलो गोल गरेका हुन् । पिलीले इन्जुरी समयमा भलिमा गोल गर्दै जित पक्का पारेका थिए ।
फिफा वरियतामा युरोपियन राष्ट्रमा शीर्षस्थानमा रहेको बेल्जियम पछिल्ला सात खेलमा विजयी हुँदै युरोपियन च्याम्पियनसिपमा पुगेको थियो ।
इटालियन प्रशिक्षक एन्टोनियो कोन्टले भने,‘आज हामी जितबाट निकै खुसी छौं । भोली सम्म यो खुसी रहन्छ । त्यसपछि भने हामी स्वीडेनसँगको खेलका लागि जुट्नु पर्ने हुन्छ । ’
कोन्टेका समकक्षी बेल्जियम प्रशिक्षक मार्क विलमोट्सले केही खेलाडीको व्यक्तिगत कमजोरीका कारण र पहिलो गोलपछि इटाली बलियो अवस्थामा पुगेको बताएका छन् । उनले समूह चरणमा अझै दुई खेल बाँकी रहेको र त्यसमा राम्रो गर्न सके क्वार्टरफाइनल पुग्न सकिने बताएका छन् ।
