काठमाडौं (हाम्रो खेलकुद) – संकटा क्लबले कतार एअरवेज सहिद स्मारक ए डिभिजन लिगअन्तर्गत न्यु रोड टिम (एनआरटी) लाई पराजित गर्दै  पहिलो जित दर्ता गरको छ ।

दशरथ रंगशालमा शनिबार भएको खेलमा संकटा १-० ले विजयी रहयो । पहिलो हाफमा दीपेश आलेमगरले गरेको गोल नै संकटाको जितमा निर्णायक रहयो । खेलकाे तेस्राे मिनेटमा दिपेशकाे प्रहार बाहिर जाँदा संकटा अग्रता लिनबाट चुकेको थियो । चाैथा मिनेटमा एनआरटीका सराेज तामाङकाे क्रसमा जाेर्डन ओवानाकाे हेडर बाहिरियो ।

नवौं मिनेटमा दिपेशले गाेल गर्दै संकटालाई अग्रता दिलाए । उनले अमित तामाङले दिएको लो क्रसलाई ब्याक पोस्टमा अनमार्क रहेको अवस्थामा गोलमा परिणत गरेका थिए । २४ औं मिनेटमा डि एरियाभित्र अनमार्क रहेका राजेश परियारकाे प्रहार आकासियो । २५ औं मिनेटमा एनआरटिका दर्शन गुरुङकाे फितलाे प्रहार गाेलरक्षक विनय श्रेष्ठले सहजै बचाईदिए ।

३८ औं मिनेटमा एनआरटि कप्तान प्रकाश बुढाथाेकीकाे क्रस पासलाई जाेर्डन ओवानाले बक्सभित्र भेट्न सकेनन् । ४२ औं मिनेटमा संकटाका फरवार्ड अजायी मार्टिन्सकाे हेडर गाेलरक्षक अजित प्रजापतिले उत्कृष्ट डाइभ दिंदै बचाए । पहिलो हाफमा संकटाले १-० को अग्रता लिएको थियो ।

दोस्रो हाफको दोस्रो मिनेटमा ४७ औं मिनेटमा मेसाेउके इटिग्नेकाे बक्सभित्रकाे प्रहारलाई एनआरटीका कप्तान प्रकाश बुढाथाेकीले गाेललाइनबाट हेडिङ गर्दै बचाए । लगत्तै अर्काे प्रहारलाई एरिक विष्टले अर्काे हेडिङ गर्दै बचाए । ५३ औं मिनेटमा करिब ३५ यार्डमा कप्तान अमित तामाङकाे फ्रिकिकलाई गाेलरक्षक अजित प्रजापतिले पञ्च गरेर बचाइदिए ।

६५ औं कप्तान प्रकाशकाे बक्स बाहिरकाे सशक्त प्रहार संकटाका गाेलरक्षक विनयले राम्राेसँग नियन्त्रणमा लिन नसकेकाे बललाई दर्शन गुरुङले भेट्न नसक्दा दोस्रो प्रयासमा विनयले नियन्त्रणमा लिए । ६९ औं मिनेटमा एरिक बिष्टकाे प्रहार विनयले बचाए । लगत्तै प्रकाशकाे कर्नरमा बियक बियककाे हेडरलाई विनयले नियन्त्रणमा लिन सफल भए ।

७७ औं मिनेटमा कप्तान प्रकाशले मैदानकाे मध्यभागबाट उपलब्ध गराएकाे पासलाई दर्शन गुरुङले एक डिफेन्डरलाई बिट गर्दै गरेकाे प्रहार गाेलरक्षक विनयले बचाईदिदा एनआरटी बराबरीबाट चुक्याे । ८० औं मिनेटमा अशाेक थापाले गाेल गरेपनि रेफ्रीले अफसाइडकाे इसारा गरे । ८१ औं मिनेटमा संकटाले अग्रता दाेब्वर पार्ने सुन्दर माैका खेर फाल्याे । गाेलरक्षक अजित बिट भइसकेकाे अवस्थामा मेसाेउके इटिग्निकाे क्रस पासलाई अजायी मार्टिन्सले क्लाेज रेन्जबाट हेडिङ गरेपनि पाेस्टबाट थाेरै बाहिरियाे ।

यस जितसँगै पहिलो खेलमा पराजित संकटाले ३ अंक जोडेको छ । यता पहिलो खेलमा जित दर्ता गरेपनि एनआरटी १ अंकमा सिमित छ । अघिल्लो सिजन अंक तालिकाको पुछारमा रहेकाले एनआरटीको २ अंक घटाइएको हो ।