काठमाडौं (हाम्रो खेलकुद) – कतार एयरवेज सहिद स्मारक ए डिभिजन लिग अन्तर्गत शनिबारको दोस्रो खेलमा मनाङ मर्स्याङ्दी र रुस्लान थ्री स्टारको खेल २-२ को बराबरीमा सकिएको छ ।

 

खेलकाे पाँचाै मिनेटमा मनाङका बिमल रानाकाे प्रहार गाेलरक्षक प्रिसाेले सहजै बचाए । १७ औं मिनेटमा सन्जाेक राईकाे हेडर पाेस्टबाट थाेरै बाहिरिदा थ्री स्टार अग्रता लिनबाट चुक्याे ।

१९औं मिनेटमा डेब्यु गरिरहेका भारतीय खेलाडी लालरम्मावियाले फ्रिकिकमा सिधै गाेल गर्दै थ्री स्टारलाई अग्रता दिलाए । पुजन उपरकाेटीले ह्यान्ड गरेपछि बक्सबाहिर प्राप्त फ्रिकिकमा लालरम्मावियाले सुन्दर गाेल गर्न सफल भएका थिए ।

३१औं मिनेटमा अन्जन विष्टकाे फ्रिकिकलाई गाेलरक्षक प्रिसाेले उत्कृष्ट बचाउ गरे । ३९ औं मिनेटमा लालरम्मावियाकाे पासमा शिव सुवेदीकाे प्रहार पाेस्टबाट थाेरै बाहिरिदा थ्री स्टारले अग्रता दाेब्बर पार्ने अवसर खेर फाल्याे ।

लगत्तै ४० औं मिनेटमा मनाङका विमल रानाकाे प्रहार आकासियाे । इन्ज्युरी समयको पहिलो मिनेटमा अन्जनको प्रहारले पनि पोस्टको दिशा लिन सकेन । तेस्रो मिनेटमा लालरम्मावियाको हेडरलाई गोलरक्षक दीपले बचाउँदै स्कोर १-० नै कायम राखे ।

४९ औं मिनेटमा अन्जन विष्टले पेनाल्टीमा गाेल गर्दै खेललाई १-१ गाेलकाे बराबरीमा ल्याए । अशाेक खवासले पेनाल्टी बक्समा अन्जनलाई लडाएपछि प्राप्त पेनाल्टीमा अन्जन आफैंले गाेल गर्न सफल भएका थिए ।

६७ औं मिनेटमा अन्जनले व्यक्तिगत दोस्रो गाेल गर्दै मनाङलाई खेलमा २-१ काे अग्रता दिलाए । कप्तान कमल श्रेष्ठकाे फ्रिकिकमा अन्जनकाे हेडर पाेस्टमा लाग्दै गाेलमा परिणत भएकाे थियाे । ७९ औं मिनेटमा अन्जन बिष्टकाे हेडर गाेलरक्षक प्रिसाेले बचाए ।

८४  औं मिनेटमा लालरम्मावियाले गाेल गर्दै खेललाई २-२ गाेलकाे बराबरीमा ल्याए । अनन्त तामाङको हेडर गोलरक्षक दीपले बचाएपछि रिबाउन्डमा उनी गोल गर्न सफल भए ।

यस बराबरीसँगै मनाङले ७ खेलमा १३ अंक जोड्दै शीर्षस्थानमा उक्लिएको छ । थ्रीस्टार भने ७ खेलमा ११ अंकसाथ चौथो स्थानमा छ ।