default_image

4 years ago

January 22, 2020

चेल्सी र आर्सनलको रोमाञ्चक बराबरी

एजेन्सी – लन्डन क्लब चेल्सी र आर्सनलले इंग्लिस प्रिमियर लिग फुटबलमा रोमाञ्चक बराबरी खेल्दै अंक बाँडेका छन् । १० खेलाडीमा समेटिएको आर्सनलले चेल्सीलाई २–२ गोलको बराबरीमा रोक्दै अंक खोस्न सफल भएको हो ।  चेल्सीले खेलमा दुईपटक अग्रता लिएर पनि जोगाउन नसक्दा बराबरीमा रोकिन पुग्यो । स्टामफोर्ड ब्रिजमा मंगलबार राति भएको खेलको २६औं मिनेटमा आर्सनल १० […]

24 views

0 Bookmark

एजेन्सी – लन्डन क्लब चेल्सी र आर्सनलले इंग्लिस प्रिमियर लिग फुटबलमा रोमाञ्चक बराबरी खेल्दै अंक बाँडेका छन् । १० खेलाडीमा समेटिएको आर्सनलले चेल्सीलाई २–२ गोलको बराबरीमा रोक्दै अंक खोस्न सफल भएको हो । 

चेल्सीले खेलमा दुईपटक अग्रता लिएर पनि जोगाउन नसक्दा बराबरीमा रोकिन पुग्यो । स्टामफोर्ड ब्रिजमा मंगलबार राति भएको खेलको २६औं मिनेटमा आर्सनल १० खेलाडीमा समेटिएको थियो । चेल्सीका ट्यामी अब्राहमलाई डेविड लुइजले पेनाल्टी बक्समा लडाएपछि रेफ्रीले लुइजलाई रेफ्रीले रातो कार्ड देखाउदै चेल्सीलाई पेनाल्टी दिएका थिए । सोकोड्रान मुस्ताफीको ब्याक पासमा गोलरक्षक बर्न लेनोलाई बिट गरेपनि लुइजले अब्राहमानथि खराव ट्याकल गर्न पुगेका थिए ।

त्यसमै प्राप्त पेनाल्टीमा जर्गिन्होले गोल गर्दै चेल्सीलाई अग्रता दिलाएका थिए । ६३औं मिनेटमा पाहुना टोली आर्सनलले बराबरी गोल फर्काउदै खेललाई १–१ गोलको बराबरीमा ल्याएका थिए । मुस्ताफीको काउन्टर एट्याक पासमा ग्याब्रियल मार्टिनेलीले गोल गर्न सफल भएका थिए ।

८४औं मिनेटमा कप्तान र सेजर एजपिलीक्वेटाले गोल गर्दै चेल्सीलाई खेलमा २–१ को अग्रता दिलाए । उनले कलुम हड्सन ओडोईको क्रस पासमा गोल गर्न सफल भएका थिए । ८७औं मिनेटमा कप्तान हेक्टर बेलेरीनले गोल गर्दै खेललाई २–२ गोलको बराबरीमा ल्याए । लुकास टोरेराको पासमा पेनाल्टी बक्सभित्रबाट बेलेरीनले गरेको प्रहार दोस्रो बारबाट गोलमा परिणत भएको थियो ।

त्यसपछि गोल निस्कन नसक्दा खेल २–२ गोलको बराबरीमा टुंगियो । बराबरीपछि चेल्सी २४ खेलबाट ४० अंक जोडेर चौथो स्थानमा यथावत छ । आर्सनल ३० अंकसहित १०औं स्थानमा छ ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.