4 years ago
January 24, 2020
काठमाडौं (हाम्रो खेलकुद) – कप्तान सन्तोष साहुखलको गोलमा च्यासल युथ क्लबले क़तार एयरवेज सहिद स्मारक ए डिभिजन लिग फुटबलमा दोस्रो जित हासिल गरेको छ । दशरथ रगंशालामा शुक्रबार भएको खेलमा च्यासलले ब्रिगेड ब्वाइज क्लब (बिबिसी) लाई १–० ले हराएको हो। कप्तान सन्तोषको गोल खेलको निर्णायक बन्यो। सन्तोषले इन्जुरी समयमा ताईका नाकामुराको पासमा गोल गर्दै […]
काठमाडौं (हाम्रो खेलकुद) – कप्तान सन्तोष साहुखलको गोलमा च्यासल युथ क्लबले क़तार एयरवेज सहिद स्मारक ए डिभिजन लिग फुटबलमा दोस्रो जित हासिल गरेको छ । दशरथ रगंशालामा शुक्रबार भएको खेलमा च्यासलले ब्रिगेड ब्वाइज क्लब (बिबिसी) लाई १–० ले हराएको हो।
कप्तान सन्तोषको गोल खेलको निर्णायक बन्यो। सन्तोषले इन्जुरी समयमा ताईका नाकामुराको पासमा गोल गर्दै टोलीका लागि ३ अंक जोड्न सफल भएका हुन्।
सुरुवाती खेल जितेपछि लय समात्न नसकेको च्यासलले आठौ चरणमा बल्ल जित निकालेको हो।
जितसँगै च्यासल आठौ स्थानमा छ। २ मा जित हात पारेको च्यासलले ३ मा बराबरी र ३ मा हार बेहोर्दै ९ अंक जोडेको छ।
२ खेलमा जित २ मा बराबरी र ४ खेल गुमाएको बिबिसी १० औं स्थानमा छ।
त्यसअघि,नेपाल आयल निगम मनाङ मर्स्याङ्दी क्लबले लिगको आठौं चरणमा पनि अपराजित यात्रालाई जारी राख्दै अंक तालिकाको शीर्ष स्थान पुनरागमन गरेको छ ।
दशरथ रंगशालामा शुक्रबार सरस्वती युथ क्लबलाई १–० ले हराउँदै मनाङले शीर्ष स्थानमा पुनरागमन गरेको हो । टोलीको यो चौथों जित हो । ४ खेलमा बराबरी गरेको टोलीको १६ अंक पुगेको छ ।
खेलको ४६ औं मिनेटमा विमल रानाले गरेको गोल खेलको निर्णायक बन्यो । निशान लिम्बुको क्रसमा अन्जन विष्टले गरेको प्रहार बारमा लागेर फर्किएको बललाई विमलले हेडमार्फत गोल गरेका थिए । पहिलो हाफमा मनाङले गोल गर्ने अवसर पाएर पनि सदुपयोग गर्न सकेन । सरस्वतीले भने लगातार सातौं हार बेहोरेको छ ।
एक खेल कम खेलेको त्रिभुवन आर्मी पनि समान १६ अंकमा दोस्रो स्थानमा छ । ८ खेल खेलेको मछिन्द्र तेस्रो स्थानमा छ । तीनै टोलीको समान अंक भएपनि हेड टु हेडमा मनाङ अगाडी छ ।
आठौ चरणको अन्तिम खेलमा शनिबार न्युरोड टिम एनआरटी र त्रिभुवन आर्मी तथा फ्रेण्ड्स र संकटा क्लबबीच प्रतिस्पर्धा हुनेछ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]