काठमाडौं (हाम्रो खेलकुद) – कतार एयरवेज सहिद स्मारक ए डिभिजन लिग अन्तर्गत शनिबारको पहिलो खेलमा त्रिभुवन आर्मी क्लब र न्यु रोड टिम (एनआरटी) बीचको खेल गोलरहित बराबरीमा टुंगिएको छ । यस बराबरीसँगै आर्मी लिगको शीर्षस्थानमा उक्लिएपनि १ अंकको मात्र अग्रता बनाउन सक्यो ।

खेलकाे चाैथाे मिनेटमा नवयुग श्रेष्ठको सशक्त प्रहार पाेस्टबाट थाेरै बाहिरियाे । १५ औं मिनेटमा भरत खवासको हेडर गाेलरक्षक अजित प्रजापतिले बचाए । लगत्तै जर्जप्रिन्स कार्कीकाे प्रहारलाई गाेलरक्षकले मुस्किलले बचाए ।

१६औं मिनेटमा एनआरटीका दर्शन गुरुङले मौका पाएपनि सदुपयाेग गर्न सकेनन् । ३६औं मिनेटमा पेनाल्टी बक्स बाहिर आर्मीले फ्रिकिक पाएपछि जर्जप्रिन्सको प्रहार पोस्टभन्दा थोरै माथिबाट बाहिरियो ।

६३औं मिनेटमा आर्मीका कप्तान भरत खवासले हेडिङ प्रयास गरेपनि सदुपयाेग गर्न सकेन । ८०औं मिनेटमा युद्व शाहीकाे क्रसपासमा नवयुग श्रेष्ठको पावरफुल हेडर पाेस्टबाट बाहिरिदा अार्मी अग्रता लिनबाट चुक्याे ।

८५ औं मिनेटमा आर्मीकाे दुई प्रहारमा गाेलरक्षक अजित प्रजापति बाधक बने ‌। इन्ज्युरी समयकाे थप गरिएकाे दाेस्राे मिनेटमा एनआरटी १० खेलाडीमा समेटियाे । आर्मीका खेलाडीलाई खराव ट्याकल गरेपछि रेफ्रीले जुनियरलाई राताे कार्ड देखाउदै मैदान बाहिर पठाएका थिए । त्यसमै प्राप्त फ्रिकिकमा सन्ताेष तामाङकाे प्रहारलाई गाेलरक्षक अजितले उत्कृष्ट डाइभ दिदै बचाए ।

यस बराबरीसँगै आर्मीको ८ खेलमा १७ अंक भएको छ । आर्मीले ८ खेलमा ५ जित, २ बराबरी र १ हार बेहोरेको छ । एनआरटीको ८ खेलमा १२ अंक भएको छ ।