पोखरा (हाम्रो खेलकुद)-  १८ औँ संस्करणको आहा रारा गोल्डकप फुटबल प्रतियोगिता शुरु भएको छ । प्रतियोगिताको उद्घाटन खेलमा बिहीबार ब्रिगेड ब्वाइज क्लब (बिबिसी) र आयोजक सहारा क्लबबीचको  पहिलो हाफ सकिदा सम्म गोल रहित बराबरीमा टंगिएको छ ।

खेल सुरुभएको पहिलो मिनेटमा नै सहाराका जिवन रायमाझी अफसाइड रहे । त्यस्तै दोस्रो मिनेटमा सहाराका त्रीदेव गुरुङले राम्रो अवसर पाए पनि बिग्रेडका डिफेन्डरले प्रहार भने गर्न दिएनन् ।

खेलको ८ औ मिनेटमा सहराका कप्तान मन बहादुर तामाङले प्रहार गरेको लामो फ्रीकिक सोझै गोलरक्षकको हातमा पुग्यो । सहाराका जिवन रायमाझीले पहिलो हाफमै दोहोरो पहेलो कार्ड पाउदै बाहिरिए ।

खेलको २५ औँ मिनेटमा बिग्रेडका गोलरक्षक विशाल सुनारलाइ फल गर्दै रातो कार्ड पाउदै मैदान बाट बाहिरिए ।
पहिलो हाफमै १० खेलाडीमा सिमित सहारामा सहारा एकेडेमीका ५ जना खेलाडी सहभागी छन । एकेडेमीका खेलाडीको बर्चस्व भएको यो पहिलो पटक हो ।

खेलको ३२ औ मिनेटमा बिग्रेडका कप्तान अनिल गुरुङले दिएको लामो क्रसपासमा काजेम ए बुसारी अफसाइड रहन पुगे । खेलको ३५ औं मिनेटमा जय गुरुङको पावर सट क्रसमाथी बाट बाहिरिए ।
त्यस्तै खेलको ३७ औं मिनेटमा काजिमले पाएको अवसरको सदुपयोग गर्न सकेनन् । उनले डि एरिया नजिकै बाट प्रहार गरेको बल सेकेन्डबार नजिकैबाट बाहिरियो ।

खेलको ४३ औ मिनेटमा कप्तान अनिल गुरुङले निकालेको पासमा बिजय गुरुङले गरेको प्रहारले पनि जाली चुम्न सकेन । खेलको ४४ औ मिनेटमा रोसन राना मगरको प्रहार फस्टबार नजिकैबाट बाहिरियो ।
१० खेलाडीमा सिमित सहाराले बिग्रेडलाइ निकै दबाबमा राख्यो । पहिलो खेल गोल रहित बराबरीमा रोकियो ।