4 years ago
March 8, 2020
एजेन्सी – कप्तान लियोनेल मेस्सीको निर्णायक गोलमा क्याटलान क्लब बार्सिलोना रियल सोसिडाडलाई पराजित गर्दै स्पेनिस ला लिगाको शीर्षस्थानमा उक्लिन सफल भएको छ ।
घरेलु मैदानमा शनिबार राति भएको खेलमा बार्सिलोनाले रियल सोसिडाडलाई १–० ले पराजित गर्दै रियल म्याड्रिडलाई पछि पार्दै ला लिगामा शीर्षस्थानमा उक्लन सफल भएको हो । जितसँगै बार्सिलोनाले कम्तीमा पनि एक दिनलाई शीर्षस्थानमा २ अंकले पूनरागमन गरेको हो ।
बार्सिलोनाको २७ खेलबाट ५८ अंक रहेको छ । एक खेल कम खेलेको रियलको ५६ अंक छ । रियलले आज राति रियल बेटिससँग खेल्दैछ । यो खेलमा रियलले सफलता हात पारे रियल पुनः शीर्षस्थानमा उक्लने छ । पराजित या बराबरीको अवस्थामा बार्सिलोना नै शीर्षस्थानमा रहनेछ ।
घरेलु मैदान नोउक्याम्पमा पाहुना टोलीलाई दवावमा राखेपनि बार्सिलोनाले गोलको लागि निकै संघर्ष गर्नुपरेको थियो । खेल सकिन ९ मिनेट बाँकी रहँदा कप्तान लियोनेल मेस्सीले पेनाल्टीमा गरेको गोल नै बार्सिलोनाको जितमा निर्णायक बन्यो ।
खेलको १४औं मिनेटमा कप्तान लियोनेल मेस्सीको प्रहारलाई रियल सोसिडाडका गोलरक्षक एलेक्स रोमिरोले विफल पारेका थिए । २८औं मिनेटमा मिकेल मेरिनोले मौका खेर फाल्दा सोसिडाड अग्रता लिनबाट चुकेको थियो । त्यसपछि बार्सिलोनाले लगातार दुई आक्रमण बुनेपनि गोल गर्न सकेन । ३०औं मिनेटमा मेस्सीको प्रहारलाई रोमिरोले बचाए। ३२औं मिनेटमा इभान राकिटिकको कर्नरमा मार्टिन ब्रेथवेटको प्रहार बारमा लाग्दै बाहिरियो ।
५८औ मिनेटमा सोसिडाडका एन्डर बारेनेटको प्रहार बारमा लागेर बाहिरिदा सोसिडाडले खेलमा अग्रता लिने अवसर गुमायो । त्यसपछि मेस्सीले बार्सिलोनाले लगातार तीन मौका पाएपनि सदुपयोग गर्न सकेन । ६४औं मिनेटमा मेस्सीको प्रहारलाई रोमिरोले बचाए । ६६औं मिनेटमा मेस्सीको क्रसमा जेराड पिकेको हेडर तथा ६७औं मिनेटमा मेस्सी र राकिटिकले समन्वय गर्दै अवसर सिर्जना गरेपनि गोल गर्न सकेन ।
७४औं मिनेटमा मिकेल ओयरजवालले अवसर खेर फाले ७५औं मिनेटमा मार्टिन ओडेगार्डको पासमा एलेक्ससान्डर इसाकको प्रहारलाई बार्सिलोनाका गोलरक्षक मार्क आन्द्रे टेर स्टेगनले मुस्किलले बचाउदा पाहुना टोली अग्रता लिनबाट चुक्यो ।
लगतार अवसर बनाएपनि चुकिरहेको बार्सिलोनाले ८१औं मिनेटमा पेनाल्टीमा गाल गर्दै बार्सिलोनालाई खेलमा अग्रता दिलाए । ७९औं मिनेटमा रोविन लि नोर्मान्डले आर्टुरो भिडालको प्रहारलाई ह्यान्ड गरेपछि रेफ्रीले भिएआरको सहायतामा बार्सिलोनालाई पेनाल्टी दिएको थियो । त्यही विवादास्पद पेनाल्टीलाई कप्तान मेस्सीले सदुपयोग गरे ।
इन्ज्युरी समयमा मेस्सीको पासमा जोर्डी अल्वाले गोल गरेपनि उनी भिएआरमा अफसाइड ठहरिए ।
अन्य नतिजा
इवरविरुद्ध मर्लाेका (१–२)
एट्लेटिको मड्रिडविरुद्ध सेभिया (२–२)
गेटाफेविरुद्ध सेल्टा डि भिगो (०–०)
May 18, 2024
एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]
May 17, 2024
एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]