पोखरा (हाम्रो खेलकुद) – मोफसलको सबैभन्दा चर्चित र प्रतिष्ठित आहा! रारा गोल्डकप फुटबल प्रतियोगिताको १८औं संस्करणको उपाधिको लागि आज (शनिबार) घरेलु फुटबलका दुई चिरपरिचित प्रतिद्धन्द्धी विभागीय नेपाल पुलिस क्लब र नेपाल आयल निगम मनाङ मर्स्याङ्दी क्लबबीच प्रतिस्पर्धा भइरहेको छ ।

पोखरा रंगशालामा भइरहेको खेलको पहिलो सकिदा दुवै टोलीले गोलरहित बराबरी खेलेको छ । प्रतिस्पर्धात्मक खेलमा दुवै टोलीले उल्लेख्य मुभ बनाउन सकेको छैन । दुवै टोली बल पोजेसन राख्दै गोल गर्ने अभियानमा छ ।

खेलको ११औं मिनेटमा पुलिसका तेज तामाङको कर्नरलाई मनाङका गोलरक्षक अशोक बरालले क्लोज रेन्जमा जोगाउदा पुलिस अग्रता लिन बाट चुकेको थियो । १९औं मिनेटमा मनाङले अवसर पाएपनि गोल गर्न असमर्थ बन्यो । कप्ता नकमल श्रेष्ठको फ्रिकिकलाई बिमल रानाले हेडिङ गरेपछि अजित भण्डारीलाई डिफ्लेक्ट हुदै बाहिरियो । त्यसमै प्राप्त कर्नरलाई मनाङले सदुपयोग गर्न सकेन ।

३५औं मिनेटमा पुलिसका निर कुमार राईले पेनाल्टी बक्सभित्र अवसर पाएपनि उनको प्रहार आकासिएको थियो । लगत्तै लुइस भिडालको क्रसमा अन्जनले पेनालटी बक्समा मौका पाएपनि उनको टच फितलो बन्यो । ३७औं मिनेटम तेज तामाङको सटिक पासमा बुद्ध बल ढिला हुदा मनाङका गोलरक्षक अशोक बरालले सहजै नियन्त्रणमा लिए ।

३९औं मिनेटमा कप्ता नकमल श्रेठको क्रसमा पेनाल्टी बक्समा बिमलले मौका पाएपनि नियन्त्रण लिन नसकेको बललाई पुलिसका गोलरक्षक रोशन खड्कालाई कुनै बाधा भएन । दोस्रो हाफ केही बेरमा शुुरु हुनेछ । ४३औं मिनेटमा कमल श्रेष्ठको फ्रिकिकमा गोलरक्षक अघि बढेको अवस्थामा बिमल रानाको ओभर हेड किकलाई पुलिसका अजित भण्डारीले गोललाइनबाट क्लियर गर्दा मनाङ अग्रता लिनबाट चुक्यो ।

सहारा क्लब पोखराको आयोजनामा गत २२ फागुनबाट शुरु भएको प्रतियोगितामा १० टोलीले सहभागिता जनाएको छ । उपाधि विजेताले १० लाख १ हजार र उपविजेताले ५ लाख १ हजार रुपैया प्राप्त गर्नेछन् । सर्वाेत्कृष्ट खेलाडी र उत्कृष्ट खेलाडीले पनि ट्रफी प्राप्त गर्नेछन् ।

क्याराभान गोल्ड कपसहित १९ वर्ष देखी निरन्तर सञ्चालन भएको यस प्रतियोगितामा वचत हुन आएको रकम विगतमा जस्तै क्लबबाट संचालित सहारा फुटबल एकेडेमीमा खर्च गरिने छ । हाल तेश्रो व्याचको एकेडेमीमा १४ जिल्लाका २४ जना बालकहरु आश्रित छन् ।