बालगोपालको टोलीको पहिलो हार

काठमाडौं– नेपाली राष्ट्रिय टोलीका पूर्व प्रशिक्षक बालगोपाल महर्जनको क्लब ब्रदर्श युनियनले बंगलादेश प्रिमियर लिगमा पहिलो हार बेर्होनु परेको छ । बुधबार राती भएको खेलमा मुक्तिजोद्धासँग २–० को नतिजा सुम्पेको ब्रदर्श युनियनले सुरुआती दुई खेलमा बराबरी खेलेको थियो ।

तीन खेलमा लगातार दोस्रो जितपछि मुक्तिाजोद्धा १२ टोली सहभागी रहेको लिगको शीर्ष स्थानमा पुगेको छ ।
चित्तागोङ अबाहानीको पनि शीर्षस्थानको मुक्तिजोद्धाकै जस्तो ७ अंक छ । तर गोलअन्तरमा अबाहानी दोस्रो स्थानमा छ । मुक्तिजोद्धाका लागि ६५ औं मिनेटमा हबिबुर रहमान र ८४ औं मिनेटमा अहमद कोलो मुसाले गोल गरेका थिए ।
ब्रदर्श युनियनले बिजेएमसी र फेनी सकरसँग १–१ को बराबरी खेलेको थियो । २ अंकका साथ ब्रदर्श युनियन पुछारबाट दोस्रोमा छ ।