4 years ago
June 8, 2020
एजेन्सी – यसै सिजनको सुरुवातमा इटालियन च्याम्पियन युभेन्टस पुगेका युवा डिफेन्डर म्याथिस डी लिग्टले टुरीन क्लबमा नै आफू खुसी रहेको बताएका छन् ।
म्यथिस मोटो रकममा युभेन्टस आएपनि सुरुवातमा अपेक्षित प्रदर्शन गर्न सकेका थिएनन् । १९ वर्षको उमेरमा नै डच टोली आयाक्सको कप्तानी गरेका उनले त्यहाँ भने सफलता हासिल गरेका थिए । दोहोरो घरेलु उपाधिसँगै टोलीलाई च्याम्पियन्स लिग सेमिफाइनल पुर्याएका म्यथिसले युभेन्टसमा भने केहि संघर्ष गर्नुपरेको थियो ।
विशेषगरी लिग उपाधि होडमा नै रहेका इन्टर मिलान र नेपोलीसँग खेलमा गल्ति गरेपछि म्यथिसको आलोचना समेत भएको थियो । युभेन्टसमा उनी जम्न नसकेपछि बार्सिलोनाले पुन: उनीमाथि नजर राखेको चर्चा चलेको छ । तर म्याथिसले भने आफू आउने सिजन पनि युभेमै रहने पक्का गरेका हुन् ।
‘ यहाँ मैले धेरै कुरा थाहा पाएको छु । म यहाँ निकै खुसी छु र हरेक दिन उच्च स्तरका खेलाडी सँग प्रशिक्षण गर्ने अवसर पाएको छु । म हरेक दिन आफूलाई सुधार गरिरहेको पाउँछु,’ डी लिग्टले टुटोस्पोर्टसँग भने ।
‘म यहाँ आएपछि मात्र क्लब अन्तर्राष्ट्रिय स्तरमा पनि कति बलियो छ भन्ने थाहा पाएँ । मलाई टोलीका अन्य खेलाडीले पनि परिवार जस्तै वातावरण बनाए । सबै खेलाडी मिलनसार नै पाएँ,’ उनले भने ।
मार्चदेखि कोरोना भाइरसका कारण स्थगित लिगमा युभेन्टस दोस्रो स्थानको लाजियोभन्दा १ अंक अगाडी छ । लिग यसै महिना सुचारु हुने तालिका पनि निस्केको छ । युभेन्टस माउरिजियो सार्रीको पहिलो वर्षमा नै लगातार नवौं लिग उपाधि जित्ने सुरमा छ ।
म्याथिसले सार्रीको प्रशंसा गर्दै आफ्नो शैलीसँग मेल खाएको अभिव्यक्ति दिए । ‘ उनको रणनीति र फुटबल खेल्ने बेग्लै शैली छ । उनी आफ्नो योजनालाई लिएर स्थिर छन्,’ म्यथिसले भने, ‘ उनी टोटल डच फुटबल खेल्ने इटालियन शैलीका प्रशिक्षक हुन् । हामी हरेक दिन केहि सुधार गरेकै हुन्छौं ।’
May 21, 2024
एजेन्सी – ग्यारेथ साउथगेटले युरो २०२४ का लागि आफ्नो ३३ खेलाडीको प्रारम्भिक इंग्ल्याण्ड टोली सार्वजनिक गरेका छन् । तीन वर्ष अघि घरेलु भूमिमा फाइनलमा पराजित इंग्ल्याण्ड यस पटक पनि उपाधि दावेदारको रुपमा रहेको छ । पछिल्लो केहि वर्षमा टोलीको महत्वपुर्ण खेलाडीका रुपमा रहेका मार्कस रासफोर्ड, जोर्डन हेन्डरसन र रहिम स्टर्लिङ यसपटक भने टोलीमा परेका छैनन् […]
May 21, 2024
एजेन्सी – स्टार खेलाडी क्रिस्टियनो रोनाल्डो व्यक्तिगत छैठौँ युरोपियन च्याम्पियनसिपका लागि पोर्चुगलको प्रारम्भिक टोलीमा परेका छन् । सन् २०१६ को युरोपियन च्याम्पियनसिपमा पोर्चुगलले उपाधि जित्दा नेतृत्व गरेका क्रिस्टियानो रोनाल्डोलाई युरो २०२४ का लागि रोबर्टो मार्टिनेजको २६ सदस्यीय टोलीमा समावेश गरेका हुन् । ३९ वर्षिय रोनाल्डो प्रतियोगितामा १४ गोलसहित कीर्तिमान गोलकर्ता हुन् भने उनले प्रतियोगितामा सबैभन्दा […]
May 21, 2024
काठमाडौं (हाम्रो खेलकुद) – समाज कल्याण खेलकुद केन्द्र क्लब जारी सहिद स्मारक सि डिभिजन लिगको चौथो स्थानमा उक्लिएको छ । मंगलवार भएको दिनको दोस्रो खेलमा सानेपा क्लबलाई ४-० ले हराउँदै तालिकाको शीर्ष स्थानमा उक्लिएको हो । जित हासिल गरेको समाज कल्याणको ९ खेलमा १६ अंक भएको छ । पराजित सानेपाको समान ९ खेलमा ११ अंक […]