4 years ago
June 9, 2020
एजेन्सी – युरोपियन फुटबलको सर्वाेच्च निकाय (युइएफए) ले कोरोना महामारीका कारण सिजन अन्न्य गरेको फ्रेन्च लिग वान पुनः सुचारु गर्न ढोका खुल्ला रहेको बताएका छ । केहि क्लबले लिग वन हतारमा रद्द गरिएकोले पुन: सुचारु नभए मुद्दा हाल्ने चेतावनी दिएका छन् ।
कोरोनापछि जर्मन बुन्डेसलिगा सफलतापुर्वक भइरहेको र युरोपका अन्य चर्चित घरेलु लिग ला लिगा, सिरी ‘ए’ र इंग्लिस प्रिमियर लिग पनि सुचारु हुने अवस्थामा रहेका कारण फ्रेन्च लिग वान पुनः सुचारु गर्न युइएफएले ढोका खुल्ला रहेको बताएको हो । फ्रान्सेली लिगमा उपाधि विजेता घोषणा गरिएकोमा कुनै प्रश्न नउठेपनि च्याम्पियन्स लिग छनोट र रेलिगेसनको कारण भने लिग रद्द गर्ने निर्णयको निकै आलोचना हुँदै आएको छ ।
फ्रान्सका प्रधानमन्त्री इडुवार्ड फिलिपेले गत अप्रिलमै फ्रान्समा सेप्टेम्बरसम्म खेलकुद गतिविधि बन्द गर्न निर्देशन दिएपछि फ्रेन्च लिग वान रद्ध गर्दै शीर्षस्थानमा रहेको पेरिस सेन्ट जर्मेन (पीएसजी) लाई यो सिजनको च्याम्पियन घोषणा गरेको थियो । पीएसजीलाई प्रति खेल जोडेको औसत अंकको आधारमा च्याम्पियन घोषणा गरिएको थियो ।
पीएसजीले दोस्रो स्थानको मार्सेसँग १२ अंकको अग्रता बनाएको थियो । पीएसजीले मार्सेले भन्दा एक खेल कम खेलेको थियो । पीएसजीको २७ खेलबाट ६८ अंक रहँदा मार्सेको २८ खेलबाट ५६ अंक रहेको थियो । युइएफएका अध्यक्ष एलेक्जान्डर सेफेरिनले केही क्लबहरुले लिग वान सुचारु गर्नको लागि उजुरी दिएपछि प्ले अफको आधारमा भएपनि सिजन सकाउन ढोका खुला रहेको बताएको छ ।
‘हामी पहिले यो स्पष्ट पार्न चहान्छौ कि राष्ट्रिय एसोसिएसनले विशेष गरी परिस्थितिलाई ध्यानमा राखेर घरेलु ढाँचाको विषयमा निर्णय गर्नेछ । तर, हामीले पनि लिग वान छिट्टै रद्ध भएको हो कि भन्ने अनुमान गरेका छौं । यद्दपि राष्ट्रिय संघले सरकारसँग समन्वय गर्न सके आउदो अगस्ट २ देखि लिग वान सुरुवात गर्न सक्नेछ,’ युइएफएले जारी गरेको विज्ञप्तिमा उल्लेख छ ।
यही निर्णय कायम रहे लियोनले सन् १९९६ पछि पहिलोपटक च्याम्पियन्स लिग र युरोपा लिग गुमाउनेछ । लियोन ४० अंक जोडेर सातौं स्थानमा छ । पीएसजीसँगै मार्सेले च्याम्पियन्स लिगमा स्थन बनाउदा रेनिसले छनोट खेल खेल्नेछ । लिलले युरोपा लिग खेल्नेछ । रेनिसले पहिलोपटक युरोपको ठुलो प्रतियोगिता खेल्नेछ । लियोनका अध्यक्ष जिन मिकेल एयुलासले सिजन सुचारु नभएको अवस्थामा फ्रेन्च स्टेटविरुद्ध मुद्दा हाल्ने बताएका छन् । यस्तै रेलिगेसन जोनमा रहेका एमिन्स र टोलुसोसँग मिलेर अदालतमा मुद्दा लड्ने बताएका छन् ।
जर्मन बुन्डेसलिगा १८ मेबाट शुरु भएको छ । स्पेनिस ला लिगा १२ जुनदेखि, इंग्लिस प्रिमियर लिग १७ जुनदेखि तथा इटालियन सिरी ‘ए’ २० जुनदेखि शुरु हुदैछ । फ्रान्ससँगै हल्यान्ड र बेल्जियन प्रिमियर लिग पनि रद्ध भएको थियो । डच लिगमा रेलिगेसन र बढुवा हटाउँदा आयाक्स र एजेट अल्कामार मध्ये एक टोली उपाधिबाट वञ्चित बनेको थियो । बेल्जियममा भने क्लब ब्रुगलाई च्याम्पियन घोषणा गरिएको थियो ।
यस सिजन भने पीएसजी र लियोन च्याम्पियन्स लिगमा अझैपनि रहेका छन् । पीएजसीले जर्मन क्लब बोरुसिया डर्टमुन्डमाथि समग्रमा ३–२ को जित निकाल्दै क्वाटरफाइनलमा स्थान सुरक्षित गरिसकेको छ । लियोनले इटालियन च्याम्पियन युभेन्टसमाथि प्रि–क्वाटरफाइनलको पहिलो लेगमा १–० को अग्रता लिएको छ । च्याम्पियन्स लिगका बाँकी खेल ‘मिनी टुर्नामेन्ट’ पद्दतिमा लिस्बन या फ्रान्कफर्टमध्ये एक शहरमा हुनेछ ।
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]
May 17, 2024
एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]
May 16, 2024
ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]