एजेन्सी – कोरोना महामारी पछि झन्डै तीन महिनापछि शुरु हुन लागेको स्पेनिस ला लिगामा दर्शकलाई रंगशालामा प्रवेश गर्न दिइने योजना अघि सारेको छ ।

स्पेनिस ला लिगा ११ जुनदेखि सुरु हुँदैछ । पहिलो दिन सेभिया र रियल बेटिसबीच खेल हुनेछ । दोस्रो दिन ग्रानडा र गेटाफेबीच भ्यालेन्सिया र लेभान्टेबीच खेल हुदैछ । ला लिगा अध्यक्ष जेभियर टेवासले जुलाई देखि नै दर्शकलाई रंगशालामा प्रवेश दिने विषयमा छलफल भइरहेको बताएका छन् ।

अध्यक्ष टेवासले जनाए अनुसार स्पेनको डि-स्केलेसन योजनाको तेस्रो चरण पार गरेपछि सिमित दर्शकले मैदानमै गैर आफ्नो टोलीको समर्थन गर्न पाउनेछन् । स्पेन राष्ट्रिय स्पोर्ट्स काउन्सिल (सिएसडी) को संयोजनमा व्यावसायिक फुटबल र बास्केटबल खेलाडीको उपस्थितिमा भएको छलफलले यो योजना अघि सारेको हो ।

यसअनुसार मैदानको ३० प्रतिशत सिटमा मात्रै समर्थकलाई राख्न पाइनेछ । जहाँ बस्ने स्थानहरु तय गरिएको हुन्छ । केही क्लबहरुले यो विषयलाई मान्न तयार हुनेछन् । विशेष गरी बार्सिलोना, जिरोना र भ्यालेन्सियाले यो योजनालाई साथ दिने प्रतिबद्धता जाहेर गरेका छन् ।

यसो हुन सकेको अवस्थामा रियल म्याड्रिड र लेभान्टेलाई घरेलु मैदानको घाटा हुन सक्नेछ । रियलले आफ्नो सान्टियागो मैदानमा मर्मत सुरु थालेको छ । रियलले बाँकी रहेका सबै घरेलु खेल आफ्नो प्रशिक्षण मैदान इस्टेडियो अलफ्रेडो डि स्टेफानोमा तथा लेभान्टेले एलिकान्टेमा खेलाउने घोषणा गरिसकेको छ ।