4 years ago
June 14, 2020
एजेन्सी – फरवार्ड डिएगो कोस्टाले बराबरी गोल फर्काएपछि एटलेटिको म्याड्रिडले स्पेनिस ला लिगा अन्तर्गत आइतबारको खेलमा एथ्लेटिक बिल्बाओसँग १-१ को बराबरी खेलेको छ । बिल्बाओको मैदान सान मामेसमा भएको खेलमा इकार मुनिआइनले घरेलु टोलीलाई अग्रता दिलाएका थिए । युरी बेर्चिचेले दिएको क्रसमा मुनिआइनले पेनाल्टी क्षेत्र भित्रबाट गरेको प्रहार गोलमा परिणत भएको थियो । त्यसअघि एटलेटिकोका […]
एजेन्सी – फरवार्ड डिएगो कोस्टाले बराबरी गोल फर्काएपछि एटलेटिको म्याड्रिडले स्पेनिस ला लिगा अन्तर्गत आइतबारको खेलमा एथ्लेटिक बिल्बाओसँग १-१ को बराबरी खेलेको छ ।
बिल्बाओको मैदान सान मामेसमा भएको खेलमा इकार मुनिआइनले घरेलु टोलीलाई अग्रता दिलाएका थिए । युरी बेर्चिचेले दिएको क्रसमा मुनिआइनले पेनाल्टी क्षेत्र भित्रबाट गरेको प्रहार गोलमा परिणत भएको थियो । त्यसअघि एटलेटिकोका गोलरक्षक यान ओब्लाकले दुई उत्कृष्ट बचाउ गरेका थिए ।
एटलेटिको खेलमा पछि परेको दुई मिनेट नबित्दै कोस्टाको गोलबाट खेलमा फर्कियो । कोकेले दुई डिफेन्डरको बीचबाट अफसाइड ट्रयाप बिट गर्दै दिएको पासलाई कोस्टाले सहजै गोलरक्षकलाई बिट गर्न सफल रहे । कोस्टाले खेल बराबरीमा ल्याएको उक्त गोल एटलेटिको म्याड्रिडको महिला टोलीकी सदस्य भर्जीनिया तोरेसिल्लालाई समर्पित गरे ।
भर्जिनियाको गत मे महिनामा मष्तिस्कबाट ट्युमर हटाइएको थिए । कोस्टा लगायत सिनियर टोलीका सदस्यले लिग सुरु भएपछि पहिलो खेलमा नै गोल समर्पित गर्दै उनको हौसला अभिवृद्धि गरेका छन् । २५ वर्षिया भर्जिनिया स्पेनिस राष्ट्रिय टोलीकी पनि नियमित सदस्य हुन् । उनले हालसम्म राष्ट्रिय टोलीका लागि ६८ खेल खेलिसकेकी छिन् ।
भर्जिनियाले यसअघि बार्सिलोना र फ्रान्सेली क्लब मोन्टपेलिएरबाट खेलिसकेकी छिन् । उनी डिफेन्सिभ मिडफिल्ड पोजिसनमा खेल्ने गर्छिन । भर्जिनियाले ट्वीटरमार्फत कोस्टालाई धन्यवाद व्यक्त गरिसकेकी छिन् । उनले लेखेकी छिन्, ‘ मसँग कुनै शब्द छैन । हृदयदेखि नै धन्यवाद ।’
दोस्रो हाफमा दुवै टोलीले गोलको लागि प्रयास गरेपनि गोल गर्न भने सकेनन् । घरेलु टोलीले बल पोसेसन राख्दै आक्रमण गरेपनि एटलेटिकोले रक्षात्मक रुपमा चुस्त प्रदर्शन गर्न सफल रहयो । यसले दुवै टोलीको युरोपेली प्रतियोगिता खेल्ने लक्ष्यमा भने घाटा पुगेको छ ।
एटलेटिको २८ खेलमा ४६ अंक जोड्दै छैटौं स्थानमा छ । गेटाफे २८ खेलमा ४६ अंकसाथ् पाँचौ र रियल सोसीडाड २७ खेलमा समान अंकसाथ चौथो स्थानमा छ । बिल्बाओ भने २८ खेलमा ३८ अंक जोड्दै दशौं स्थानमा छ । युरोप लिगको स्थानबाट अब बिल्बाओ ८ अंक पछाडी परेको छ । आजको खेल जितेको भए बिल्बाओ मात्र ५ अंक टाढा हुने थियो ।
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]
May 1, 2024
ललितपुर (हाम्रो खेलकुद) – आयोजक गोदावरी नगरपालिका र काठमाडौं महानगरपालिका गोदावरीमा अन्तर पालिका खुल्ला मेयर कप फुटबल प्रतियोगिताको क्वार्टरफाइनलमा प्रवेश गरेका छन् । गोदावरी १० टाहाखेल–झ्यालुन्टारस्थित प्रस्तावित गोदावरी बहुउद्देश्यीय रंगशालामा बुधबार ललितपुर महानगरपालिकालाई पेनाल्टी सुट आउटमा ५–३ ले हराउँदै गोदावरी बि अन्तिम आठमा पुगेको हो । अर्को खलमा काठमाडौं महानगरपालिकाले बुढानिलकण्ठ नगरपालिकालाई पेनाल्टी सुटआउटमा ४–२ […]