एजेन्सी – रियल म्याड्रिडका हामेस रोड्रिग्वेज खेल जीवनको दोबाटोमा रहेका छन् । अब नयाँ सिजनमा उनको खेल जीवनले नयाँ गन्तव्य लिने विश्वास गरिएको छ । रियलमा अहिले उनी त्यति रुचाइएका खेलाडी होइनन् ।

त्यसले उनको प्राथमिकता भनेको एट्लेटिको म्याड्रिडमा रहेको बताइएको छ । डिएगो सिमिओनीको टोलीका लागि उनले महत्त्वपूर्ण भूमिका निर्वाह गर्ने विश्वास गरिएको छ । एट्लेटिकोले उनलाई केहि समयका लागि धैर्यता राख्न भनेको बताइएको छ ।

अब खुल्ने सरुवा बजारको अन्त्यसम्म उनलाई एट्लेटिकोले भित्राउने सम्भावना रहेको बताइएको छ । अघिल्लो ट्रान्सफर विन्डोमा हामेस र एटलेटिकोले चाहेपनि रियलले रोकेपछि ट्रान्सफर सफल हुन सकेको थिएन । पछिल्लो पटक म्यानचेस्टर युनाइटेडले पनि उनीमाथि चासो राखेको चर्चा चलेको थियो ।

रियलमा एक वर्ष सम्झौता बाँकी रहेका उनी ५० मिलियन युरो भन्दा कममा निक्न सकिनेमा क्लबहरुको आशावादी छन् । वल्भनह्याम्टन र एभर्टनका प्रशिक्षक कार्लो एन्सेलोटी पनि उनलाई भित्राउन चाहेको बताइन्छ । इटालियन क्लब नेपालीले पनि गत वर्ष उनीलाई भित्राउन इच्छा देखाएको थियो ।

एजेन्ट जर्ज मेन्डिसका कारण उनी वल्भसमा आबद्ध हुन सम्भावना रहेको बताइन्छ । उनी कोलम्बियन स्टारका एजेन्ट हुन् । ब्राजिलियन पूर्व कप्तान कालुले हामेसका लागि इटालिन क्लब उत्तम विकल्प हुने बताएका छन् । मिलानका निर्देशक पाब्लो माल्दिनी पनि हामेसले क्लबमा प्रभाव पार्न सक्ने विश्वास राखेको बताइएको छ ।