एजेन्सी – इंग्ल्यान्डका प्रशिक्षक ग्यारेथ साउथगेटले ३ नयाँ खेलाडी समेट्दै नेसन्स लिगको लागि २४ सदस्यीय टोलीको घोषणा गरेका छन् ।

साउथगेटले इंग्लिस क्लब म्यानचेस्टर युनाइटेडका कप्तान तथा सेन्टर ब्याक ह्यारी मगाएरलाई सुरुवातमा घोषित टोलीमा समावेश गरेपनि पछि उनलाई ग्रीसको अदालतले सजाय सुनाएपछि उनको नाम फिर्ता भएको छ । ग्रीसको टापुमा भएको एक घटनामा मगाएर दोषी करार भएका हुन् । उनले बिहीबार र शुक्रबार हिरासतमा बिताएका थिए । उनलाई २१ महिना जेल सजाय सुनाइएको छ ।

प्रशिक्षक साउथगेटले उसेन बोल्टको ३४औं जन्मदिनको पार्टीमा गएका इंग्लिस क्लब म्यानचेस्टर सिटीका रहिम स्ट्रलिङलाई पनि टोलीमा समेटेका छन् । बोल्टलाई मंगलबार मात्र कोरोना संक्रमण पुष्टि भएको थियो । स्टर्लिङको भने कोरोना परिक्षण गर्दा रिपोर्ट नेगेटिभ आइसकेको छ ।

इंग्ल्यान्डले सेप्टेम्वरमा आइसल्यान्ड र डेनर्माकसँग प्रतिस्पर्धा गर्दैछ । प्रशिक्षक साउथगेटले फिल फोडेन, मेसन ग्रीनवुड र काल्भिन फिलिप्सलाई पहिलो पटक टोलीमा समावेश गरेका छन् । फोडेनले गत सिजन सिटीबाट ३८ खेलमा ८ गोल र ९ असिस्ट दिएका थिए भने म्यानचेस्टर युनाइटेडमा उत्कृष्ट प्रदर्शन गरेका १८ वर्षीय ग्रीनवुडले १७ गोल गरेका थिए ।

यस्तै लिड्स युनाइटेडलाई शीर्ष डिभिजनमा बढुवा गर्न महत्वपुर्ण भुमिका निभाएका काल्भिन फिलिप्सले पनि टोलीमा स्थान बनाएका छन् । यो सिजन प्रिमियर लिगमा गोल्डेन बुट जितेका जेमी भार्डी, लिभरपुलका जोर्डन हेन्डरसन, एलेक्स अक्सलेड चेम्वरलेन र जेम्स म्याडिसनले भने टोलीमा स्थान बनाउन सफल भएनन् ।

पुर्ण टोली :

गोलरक्षक : डिन हेन्डरसन, जोर्डन पिकफोर्ड, निक पोप

डिफेन्डर : ट्रेन्ट एलेक्सएन्डर आर्नाेल्ड, एरिक डाएर, जो गोमेज, माइकल किन, टाइरन मिङ्स, काइरान ट्रिपिएर, काइल वाल्कर

मिडफिल्डर : फिल फोडेन, मेसन माउन्ट, काल्भिन फिलिप्स, डेक्लन राइस, जेम्स वार्ड प्रोज, ह्यारी विङ्कस

फरवार्ड : ट्याम्मी अब्राहम, मासन ग्रीनवुड, ड्यानी इंग्स, ह्यारी केन, मार्कस रासफोर्ड, जेडन सान्चो र रहिम स्ट्रलिङ