एजेन्सी – युइएफए नेसन्स लिगको समूह ‘सी’ को सेमिफाइनलमा इजरायलको चुनौती पेनाल्टी सुटआउटमा पन्छाउदै स्कटल्यान्डले अर्काे वर्ष हुने युरोकप छनोटको प्लेअफ फाइनलमा स्थान सुरक्षित गरेको छ ।

निर्धारित समय र अतिरिक्त समयको खेल गोलरहित बराबरीमा सकिएपछि खेलको निर्णय पेनाल्टी सुटआउटबाट लिइदा स्कटल्यान्डले ५–३ ले बाजी मार्दै प्ले अफमा स्थान बनाउन सफल भएको हो ।

पेनाल्टीमा जोन म्याकजिन, कलुम म्याकग्रिगर, स्कट म्याकटोमिने, लरेन्स सान्कल्यान्ड र केनी म्याकलिनले गोल गर्दा इजरायलको पहिलो पेनाल्टी प्रहार स्कटल्यान्डका गोलरक्षक डेभिड मार्सलले बचाएका थिए । त्यसपछि निर बिटन, सोनवेइसमन र मोहम्मद अबु फानीले गोल गरेपनि इजरायललाई अघिल्लो चरण प्रवेश गर्न पर्याप्त भएन ।

अब स्कटल्यान्डले युरो कपमा स्थान बनाउनको लागि प्ले अफमा सर्वियाको सामना गर्नेछ । प्ले अफमा सफलता आत पारे स्कटल्यान्ड २२ वर्षपछि कुनै पनि ठुलो प्रतियोगिताको लासग छानिनेछ ।

सर्वियाले पनि नर्वेमाथि अतिरिक्त समयमा २–१ को जित निकाल्दै प्ले अफमा स्थान पक्का गरेको छ । सर्वियाको जितमा सेर्गेज मिलिन्किोभिच साभिचले दुवै गोल गर्दा नर्वेका म्याथियस नोरमनले एक गोल फर्काएका थिए । खेल सकिन दुई मिनेट बाँकी रहँदा म्याथियसले गोल गर्दै खेललाई अतिरिक्त समयमा लम्ब्याएका थिए । १०२औं मिनेटमा साभिचले गोल गर्दै सर्वियाको जित पक्का गरेका थिए ।