एजेन्सी – युइएफए नेसन्स लिगको तेस्रो राउन्डको खेलहरु आज (शनिबार) देखि सुरु हुँदैछ । तेस्रो राउन्डको पहिलो दिन विभिन्न ६ खेलमा प्रतिस्पर्धा हुनेछ ।

घरेलु मैदानमा स्पेनले स्वीट्जरल्यान्डको सामना गर्दा जर्मनीले युक्रेनसँग प्रतिस्पर्धा गर्दैछ । स्पेन र स्वीट्जरल्यान्डबीचको खेल नेपाली समयअनुसार अल्फ्रेडो डि स्टेफानो म्याड्रिडमा राति १२ः३० बजे हुनेछ ।

नेसन्स लिग ‘ए’ को ४ मा रहेको स्पेन स्वीट्जरल्यान्डलाई पराजित गर्दै शीर्षस्थानमा बलियो पकड बनाउने योजनामा हुनेछ । स्पेन दुई खेलबाट ४ अंक जोडेर शीर्षस्थानमा रहेको छ । युवा र अनुभवी खेलाडी मिश्रित स्पेनसँग युवा खेलाडी अन्सु फातीदेखि अनुभवी सर्जियो रामोसजस्ता खेलाडीको साथ रहेको छ ।

अन्सुु फातीसँगै जेरार्ड मोरेनो र एडमा ट्राओरेले स्पेनको अग्रपङ्ति सम्हाल्दा रोड्री, सर्जियो बुस्क्वेट्स, मिकेल मेरिनोले मिडफिल्ड सम्हाल्नेछन् । डिफेन्समा कप्तान रामोससँगै जेसस नाभास, पोउ टोरेस, ड्यानियल सेवालोस, जोस गाया रहँदा डेभिड हे गेयाले गोलपोस्ट सम्हाल्ने सम्भावना छ ।

यता, स्वीट्जरल्यान्ड पनि स्पेनलाई उसकै मैदानमा पराजित गर्दै ३ अंक बटुलेर अंक तालिका सुधार गर्दै अर्काे चरणमा पुग्ने योजनामा हुनेछ । स्वीट्जरल्यान्ड दुई खेलबाट १ अंक जोडेर पुछारमा छ ।
कोरोना संक्रमणमुक्त भएका मिडफिल्डर जद्रान शाकिरीले टोलीमा पूनरागमन गर्नेछन् ।

यस्तै स्वीट्जरल्यान्डसँग रुवेन भार्गस, मारियो गाभरानोभिक, ग्रानिट झाँका, हरिस सेफेरोकि, लोरिस बेनिटो, रिकार्डाे रोड्रिग्वेज र यान सोम्मेर रहनेछन् ।

यि दुई टोली सहालसम्म एक पटक प्रतिस्पर्धा गर्दा खेल १–१ गोलको बराबरीमा सकिएको छ । यि दुई टोलीले २०१८ जुनमा मैत्रीपुर्ण खेलमा प्रतिस्पर्धा गरेका थिए । नेसन्स लिग अघिको मैत्रीपुर्ण खेलमा स्पेन पोर्चुगलसँग गोलरहित बराबरीमा रोकिदा स्वीट्जरल्यान्डले क्रोएसियासँग २–१ को हार बेहोरेको थियो ।

अन्य खेल
ग्रुप ‘ए’ – ४
युक्रेनविरुद्ध जर्मनी (राति १२ः३० बजे)

ग्रुप ‘सी’ – १
लक्जेमवर्गविरुद्ध साइप्रस (साँझ ६ः४५ बजे)
मोन्टेनेग्रोविरुद्ध अजरवैजान (साँझ ६ः४५ बजे)

ग्रुप ‘डी’ – १
फारोइ आइल्यान्डविरुद्ध लात्भिया (राति ९ः४५ बजे)

ग्रुप ‘डी’ – २
लिचेस्टानइनविरुद्ध जिब्राल्टार (राति ९ः४५ बजे)