एजेन्सी – फ्रान्सेली स्टार एन्टोइन ग्रिजमन गत सिजन बार्सिलोनामा आबद्ध भएका थिए । उनीबाट क्लबले उच्च प्रदर्शनको अपेक्षा गरेको थियो । तर, लिओनल मेस्सी,लुइस सुआरेज जस्ता स्टारहरुको अगाडि खासै सन्तोषजनक प्रदर्शन गर्न सकेनन् ।

ला लिगाको नयाँ सिजन सुरु भइसकेको छ । यसबीचमा सुआरेज बार्सिलोना छाडेर एट्लेटिको म्याड्रिड पुगिसकेका छन् । बार्सिलोनाले पनि नयाँ सिजनमा ३ खेल खेलिसकेको छ । सबैमा ग्रिजमनले पहिलो रोजाईमा खेल्ने मौका पाएका छन् ।

तर, उनीबाट यो सिजनका ३ तीनमा पनि माथिल्लो स्तरको प्रदर्शन हुन नसकेको भन्दै टिप्पणी हुन थालेको छ । बार्सिलोनाले एट्लेटिका पूर्व स्टारसँग सम्झौता गर्न ठिक थियो थिएन भन्ने बहस सुरु भएको छ ।

उत्कृष्ट खेलाडीले एकअर्कालाई राम्ररी बुझ्न सक्छन् । तर, एकै पटकसँगै एउटै पोजिसनमा भने खेल्न सम्भव हुँदैन । ग्रिजमनलाई भित्राउन बार्सिलोनाले १ सय २० मिलियन युरो खर्चेको थियो । सोही पोसिजनमा विश्वकै उत्कृष्ट खेलाडी मेस्सी पहिले नै टोलीमा हुँदा ग्रिजमनलाई लिन हुन्थ्यो हुन्थेन भन्ने बहसमा पनि छ ।

अघिल्लो सिजन बार्सिलोनामा ग्रिजमनका लागि सहज थिएन । अहिले पनि सहज भएको देखिएको छैन । ४८ खेलमा ग्रिजमनले १५ गोल मात्र गर्न सकेका थिए । मेस्सी र सुआरेजसँग खेल्दा पनि ग्रिजमनको उनीहरुको समन्वय हुदैन थियो । उनले विङ्समा खासै प्रभाव जमाउन सकेनन् ।

विश्वकप विजेता फ्रान्सले यो सिजन पनि राम्रो प्रदर्शन गरिरहेको छ । फ्रान्सेली टोलीमा ग्रिजमन सेन्टरबाट खेल्ने गरेका छन् । फ्रान्सेली टोलीका प्रशिक्षक डिडिएर डेसच्याम्प्सले बार्सिलोनाका प्रशिक्षक रोनाल्ड कोम्यानले ग्रिजमनलाई विङ्समा खेलाउँदै आएकोमा आलोचना गरेका छन् । सेभिल्लाविरुद्धको खेलमा ग्रिजमनले गोलका लागि दुई स्पष्ट मौका पाउँदा गोल गर्न सकेनन् । त्यो खेल १–१ को बराबरीमा टुंगिएको थियो ।

डेसच्याम्पस्ले ग्रिजमन बार्सिलोनामा खुसी नरहेको बताएका थिए । आफ्नो टिप्पणी कोम्यानलाई मन पर्न नसक्ने उल्लेख गर्दै डेसच्याम्प्स्ले भने, ‘उनलाई राइट विङ्समा खेलाएका छन् । तर किन उनलाई त्यहाँ खेलाइएको मैले बुझेको छैन ।’

आफ्ना विषयमा जस्ता टिप्पणी भएपनि ग्रिजमनले भने मुख खोलेका छैनन् । गत सिजनको अन्त्यतिर मेस्सीले क्लब छाड्ने सम्भावना बढेको थियो । तर अन्ततः उनी क्लबमै बसे । जसले ग्रिजमले सेन्टरमा मौका पाउने सम्भावना कम छ । सुआरेजको बर्हिगमनले ग्रिजमनलाई सहज हुने अनुमान गरिएका व्यवहारमा त्यस्तो देखिएको छैन ।

यदि कोम्यानले ग्रिजमलाई उनको वास्तविक पोजिसन सेकेन्ड स्ट्राइकरका रुपमा प्रयोग गरेनन् भने एट्लेटिकोमा जस्तै प्रदर्शन गर्न कठिन हुनेछ । अर्को वर्ष मेस्सी र ग्रिजमनमध्ये एकले क्लब छाडेको खण्डमा अहिलेको समस्या समाधान हुन सक्छ ।