एजेन्सी – युइएफए नेसन्स लिगको तेस्रो चरणको खेलमा आज राति जर्मनीले युक्रेनसँग प्रतिस्पर्धा गर्दैछ । खेल युक्रेनको मैदान किभमा नेपाली समयअनुसार राति १२ः३० बजे हुनेछ ।

जर्मनी युक्रेनलाई उसकै मैदानमा पराजित गर्दै अंक तालिका सुधार गर्ने लक्ष्यमा हुनेछ । जर्मनी दुई खेलबाट २ अंक जोडेर लिग ‘ए’ ४ को तेस्रो स्थानमा रहेको छ । युक्रेन ३ अंक जोडेर दोस्रो स्थानमा रहँदा स्पेन ४ अंक जोडेर शीर्षस्थानमा रहेको छ ।

टर्कीसँग ३–३ गोलको बराबरीमा रोकिएको मैत्रीपुर्ण खेल गुमाएका टिमो वेर्नरले जर्मनीको टोलीमा पूनरागमन गर्ने सम्भावना छ । यस्तै जर्मनीसँग काई हाभर्टज, जुलियन ड्राक्सलर, सर्ज जिनाब्री, रोविन गोसेन्स, योसुवा किम्मिख, एन्टेनियो रुडिगर, निकलस सुल, इम्री क्यान, जुलियन ब्रान्ड, लियोन गोरेट्जका, रोविन कोच र कप्तान तथा गोलरक्षक म्यानुयल नोयर रहनेछन् । टोनी क्रुसले चोटबाट पूनरागमन गर्न सक्नेछन् ।

यस्तै युक्रेन घरेलु मैदानमा जर्मनीलाई पराजित गर्ने लक्ष्यमा नै हुनेछ । मैत्रीपुर्ण खेलमा विश्वविजेता फ्रान्ससँग बेहोरेको ७–१ को हारलाई बिर्साउने प्रयासमा युक्रेन रहनेछ । युक्रेनसँग रोमन यारेम्चुक, भिक्टोर, रुस्लान मालिनोभ्स्की, एन्ड्रि यार्माेलेन्को, भिटाली माइकोलेन्को, इगर प्लास्टन र गोलरक्षक जर्ज बुस्चनको साथ रहेको छ ।

यि दुई टोली हालसम्म दुई पटक प्रतिस्पर्धा हुदा १ खेल जर्मनीले आफ्नो पक्षमा पार्दा एक खेल ३–२ गोलको बराबरीमा सकिएको छ । यि दुई टोली पछिल्लोपटक २०१६ को युरोकपको समूह चरणमा प्रतिस्पर्धा गरेका थिए । जसमा जर्मनी २–० ले विजयी भएको थियो ।

यही समूहको अर्काे खेलमा आज राति नै स्पेन र स्वीट्जरल्यान्डबीच प्रतिस्पर्धा हुदैछ । खेल म्याड्रिडमा राति १२ः३० बजे हुनेछ ।

अन्य खेल

ग्रुप ‘ए’ – ४
स्पेनविरुद्ध स्वीट्जरल्यान्ड (राति १२ः३० बजे)

ग्रुप ‘सी’ – १
लक्जेमवर्गविरुद्ध साइप्रस (साँझ ६ः४५ बजे)
मोन्टेनेग्रोविरुद्ध अजरवैजान (साँझ ६ः४५ बजे)

ग्रुप ‘डी’ – १
फारोइ आइल्यान्डविरुद्ध लात्भिया (राति ९ः४५ बजे)

ग्रुप ‘डी’ – २
लिचेस्टानइनविरुद्ध जिब्राल्टार (राति ९ः४५ बजे)