एजेन्सी – हामेस रोड्रिग्वेज एभर्टन आउँदा धेरै त्यसको विपक्षमा थिए । तर, प्रशिक्षक कार्लो एन्सेलोटीले त्यसको खासै वास्ता गरेनन् । इटालियन प्रशिक्षकले रोड्रिग्वेजलाई फिट रहन रहन सल्लाह दिएका थिए ।

प्रिमियर लिगको सुरुवातका केहि खेलमै रोड्रिग्वेजले आफ्नो उपस्थितिलाई सहि पुष्टी गरे । लामो सिजनमा बाँकी समयमा उनको प्रदर्शन कस्तो रहन्छ त्यो अर्को पाटो हो । तर, हालका लागि भने आलोचकको मुख बन्द भएको छ ।

एन्सेलोटीलाई थाहा छ रोड्रिग्वेज जस्ता खेलाडीलाई क्लबमा भित्राउँदाको प्रभाव । त्यहि अनुसार रोड्रिग्वेजले प्रभाव जमाइसकेका छन् । एन्सेलोटीले त्यहि बुझेरै रोड्रिग्वेजलाई रियल म्याड्रिजलाई भित्राउन मेहनत गरे ।

एन्सेलोटीका वरिपरि हुनेले रोड्रिग्वेजले फेरि पहिला कै जस्तो उच्च प्रदर्शन गर्न नसक्ने संकेत गर्दै उनको त्यो क्षमता सकिसकेको जिकिर गरेका थिए । खेलाडी चिन्न सक्ने उनको क्षमताकै कारण लुका मोड्रिड, क्रिस्टियानो रोनाल्डो, डेभिड बेकह्याम, सर्जियो रामोसलगायतका खेलाडी अहिले पनि पूर्व प्रशिक्षकको सम्पर्कमा छन् ।

एन्सेलोटी बायर्न म्युनिखमा हुँदा भने रोड्रिग्वेजले स्तरीय प्रर्दन गर्न सकेनन् । यद्दपी जर्मनीको माहोल अन्य देशको भन्दा फरक थियो । बायर्नमा त्यति बेला आर्जन रोबेन र फ्रान्क रिबेरी जस्ता खेलाडी टोलीका महत्वपूर्ण सदस्य थिए ।

रोड्रिग्वेजले उनी प्रतिको धारणालाई परिवर्तन गर्न सफल भएका छन् । एभर्टनमा उनले गोलका लािग मौका सृजना गरेका छन् भने टोलीको लयमा मिलेका छन् । आउने दिनमा उनीबाट अझै उच्च प्रदर्शनको अपेक्षा गरिएको छ । रोड्रिग्वेज र एन्सेलोटीबीचको समझदारी माथिल्लो स्तरको रहेको बताइएको छ ।

एलान र अब्डोलाय डोकोरेसँगै रोड्रिग्वेज यो सिजन गुडिसन पार्क पुगेका थिए । कोलम्बियन स्टार मिडफिल्डमा सहज मान्छन् । उनले रिचारलिसन र डोमिनिक कल्भर्ट लिविनलाई पास र क्रस उपलब्ध गराइरहेका छन् ।