एजेन्सी – फ्रान्स र पोर्चुगल २०१६ को युरोकपको फाइनलपछि पहिलोपटक आइतबार राति यूईएफए नेसन्स लिगको समूह चरणको तेस्रो राउन्डमा प्रतिस्पर्धा गरेको थियो । खेल गोलरहित बराबरीमा सकिएको थियो ।

यो बराबरीसँगै नेसन्स लिगमा दुवै टोली अपराजित रहँदा पोर्चुगल ७ अंक जोडेर शीर्षस्थानमा रहँदा गोल अन्तरमा पछि पर्दै फ्रान्स दोस्रो स्थानमा रहेको छ । यो खेलमा खेल भन्दा पनि आधुनिक फुटबलका हस्ती क्रिस्टियानो रोनाल्डो र युवा स्टार केलियन एमबाप्पेबीचको भेट सबैको आकर्षणको केन्द्र बनेको थियो ।

कारण २१ वर्षीय एमबाप्पेले आफ्नो ‘आइडल’ रोनाल्डोविरुद्ध मैदान उत्रदै थिए । २०१६ को युरोकपमा रोनाल्डो फ्रान्सविरुद्ध उत्रदा एमबाप्पे आफ्नो व्यावसायिक खेल करियर सुरुवात गर्दै थियो । युरो कपपछि एमबाप्पेले फ्रान्सको राष्ट्रिय टोलीमा नियमित स्थान बनाइरहेका छन् । क्लब फुटबलमा यि दुई खेलाडी एक आपसमा उत्रिइसकेपनि राष्ट्रिय टोलीबाट भने पहिलोपटक आमने सामने भएका थिए ।

एमबाप्पेले आफ्नो कोठाको भित्ताभर रोनाल्डोको तस्बिरसहितको आफ्नो फोटो सार्वजनिक गरेकाले पनि उनी रोनाल्डोलाई आफ्नो आइडल मान्नेमा कुनै शंका छैन । यि दुई खेलाडीबीको संवाद र तस्विर अहिले सामाजिक सन्जालमा भाइरल भइरहेको छ ।

रोनाल्डो, ब्रुनो फर्नान्डेस, एमकाप्पे र पल पोग्वाजस्ता विश्वस्तरीय खेलाडी मैदान उत्रदा खेल प्रतिस्पर्धात्मक भएपनि गोल निस्कन सकेन । तर समर्थकहरुले युभेन्टस स्टार रोनाल्डो र पीएसजीका स्टार एमबाप्पेले दोस्रो हाफमा शुरुमा गरेको संवादलाई खुवै मन पराएका थिए ।

संवादका क्रममा रोनाल्डोले एमबाप्पेलाई टाउोमा धाप लगाउनु अघि नै उनीहरु क्यामेरमा कैद भए । रेफ्रीले दोस्रो हाफको खेल शुरु गर्नुअघि २१ वर्षीय एमबाप्पे मुस्कुराउदै र हास्दै रोनाल्डोसँग कुरा गरिरहेको देखिन्छ ।

यो कुनै गोप्य कुरा छैन कि एमबाप्पेले रोनाल्डोसँगको तस्विरलाई सामाजिक सन्जालमा पोस्ट गर्दै ‘आइडल’ सँग भनेर पोस्ट गरेका छन् । प्रशंसकहरु विश्व फुटबलको शिखरमा रहेका दुई खेलाडीबीचको भेट र संवादलाई लिएर उत्साहित छन् । एमबाप्पेलाई भविष्यमा बालोन डि ओर जित्न सक्ने खेलाडीको रुपमा हेरिएको छ ।

‘यो सुन्दर छ,’ एक समर्थकले ट्वीटमा लेखे, ‘जबकी स्पेनिस क्लब रियल म्याड्रिडका समर्थकहरु एमबाप्पे भविष्यमा बर्नाबेउमा सर्नेमा विश्वस्त छन् ।’

‘केलियन एमबाप्पे रियल म्याड्रिडमा रोनाल्डोको जर्सी नम्वर ७ पहिरिने एकमात्र स्वीकार्य उत्तराधिकारी हो ।’ अर्काे ट्वीटर प्रयोगकर्ताले लेखेका छन् । ‘उसको त्यहाँ जाने लक्ष्य छ । समयको कुरा’ एएफसीमहादले लेखे ।

यो सिजन खेलाडी अनुबन्धमा खर्च नगरेको रियल म्याड्रिडले अर्काे समरमा एमबाप्पेलाई मोटो रकम खर्चदै अनुबन्ध गर्ने तयारी गरिरहेको छ ।