4 years ago
October 13, 2020
एजेन्सी – कतार विश्वकप २०२२ को दक्षिण अमेरिकी छनोटको दोस्रो राउन्डमा आज विभिन्न पाँच खेलमा प्रतिस्पर्धा हुदैछ । पाँच पटकको विश्वविजेता ब्राजिलले पेरुसँग प्रतिस्पर्धा गर्दा अर्जेन्टिनाले बोलिभियाको सामना गर्दैछ । ब्राजिल र पेरुबीचको खेल लिमा पेरुमा नेपाली समयअनुसार बुधबार बिहान ५ः४५ बजे हुनेछ । पहिलो खेलमा बोलिभियामाथि ५–० को फराकिलो जित निकालेको ब्राजिल पेरुविरुद्ध पनि […]
एजेन्सी – कतार विश्वकप २०२२ को दक्षिण अमेरिकी छनोटको दोस्रो राउन्डमा आज विभिन्न पाँच खेलमा प्रतिस्पर्धा हुदैछ । पाँच पटकको विश्वविजेता ब्राजिलले पेरुसँग प्रतिस्पर्धा गर्दा अर्जेन्टिनाले बोलिभियाको सामना गर्दैछ ।
ब्राजिल र पेरुबीचको खेल लिमा पेरुमा नेपाली समयअनुसार बुधबार बिहान ५ः४५ बजे हुनेछ । पहिलो खेलमा बोलिभियामाथि ५–० को फराकिलो जित निकालेको ब्राजिल पेरुविरुद्ध पनि सोही जितको लयलाई निरन्तरता दिने दाँउमा हुनेछ । ब्राजिल लगातार दोस्रो जितको खोजीमा हुनेछ ।
महँगा फरवार्ड नेयमार, रोबर्टाे फिर्मिन्हो, फिलिपे कौटिन्हो, क्यासमिरो, थियागो सिल्भा, मार्किन्हस, डानिलो, रेनन लोडी, एभर्टन, डगलस लुइज, रिचार्लीसन, रोड्रिगो र गोलरक्षक वेभेर्टन टोलीसँग हुनेछ ।
यता, पहिलो खेलमा पाराग्वेसँग २–२ गोलको बराबरीमा रोकिएको पेरु घरेलु मैदानमा ब्राजिललाई स्तब्ध बनाउने दाँउमा हुनेछ । एन्ड्रे क्यारिल्लो नै टोलीको मुख्य हतियार हुनेछ ।
यि दुई टोलीको पछिल्लो ७ खेलको नतिजालाई हेर्दा ब्राजिल पाँच खेलमा विजयी हुदा २ खेल पेरुले आफ्नो पक्षमा पारेको छ । गतवर्ष सेप्टेम्वरमा भएको मैत्रीपुर्ण खेलमा पेरुले ब्राजिललाई १–० ले हराएको थियो ।
यस्तै विश्वकप छनोटकै अर्काे खेलमा अर्जेन्टिनाले बोलिभियाको भ्रमण गर्दैछ । खेल नेपाली समय अनुसार राति १ः४५ बजे सुरु हुनेछ ।
लियोनल मेस्सीको कप्तानीमा मैदान उत्रने अर्जेन्टिना लगातार दोस्रो जित निकाल्न चाहन्छ । अर्जेन्टिनाले पहिलो खेलमा इक्वेडरलाई १–० ले हराएको थियो । जसमा मेस्सीले पेनाल्टीमार्फत निर्णाय गोल गरेका थिए ।
बोलिभिया भने पहिलो जितको खोजीमा हुनेछ । पहिलो खेलमा बोलिभिया ब्राजिलसँग ५–० ले पराजित भएको थियो ।
अन्य खेल
इक्वेडरविरुद्ध उरुग्वे (बुधबार बिहान २ः४५ बजे), भेनेजुएलाविरुद्ध पाराग्वे (बुधबार बिहान ३ः४५ बजे), चिलीविरुद्ध कोलम्विया (बुधबार बिहान ६ः१५ बजे)
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]