युरो २०१६ को फाइनलमा भोगेको इन्जुरी पछी क्रीस्टोएनो रोनाल्डो पहिलो पटक मैदानमा देखिएका छन । ओसासुनासँगको सहज जितमा रोनाल्डो ६२ दिन पछी मैदानमा फर्किएका हुन ।
ओसासुनासँग सुरुवाती ११ मा परेका रोनाल्डोले खेलको पहिलो ८ मिनेटमा गोल गर्दै रियाल म्याड्रीडलाई अग्रता दिलाए । म्याड्रीडले ओसासुना बिरुद्ध ५-२ को जित दर्ता गर्दै ला लिगाको पहिलो ३ खेलमा ९ अंक जोड्न सफल भयो ।
म्याड्रीडको जितमा रोनाल्डो सहित ड्यानिलो , रामोस, पेपे र मोड्रीकले गरी ५ खेलाडिहरुले गोल गरे । ओसासुनाकोलागी ओरियोल रियरा र डेभिड गार्सियाले सान्त्वना गोल गरे भने रोबर्टो टोरेसले पेनाल्टी बात गोल गर्न चुके ।
